Narmi Kaesay Paida Karen?

Al Quran Books Madani Channel

Magazine Courses Media

ہماری شفقت و مَحَبَّت سے محروم تو نہیں رہ گئے؟اگر ایسا ہے تو ابھی سے اپنےمزاج میں نرمی پیدا کرنے کی کوشش کیجئے کہ جس کا دل نرم ہوتا ہے اس کی عزّت میں اضافہ ہوتا ہے ،چنانچہ

حکیمُ الاُمّت حضرت مفتی احمد یا ر خان نعیمی رَحْمَۃُ اللّٰہ عَلَیْہ فرماتے ہیں: اللہ پاک جن لوگوں پر کرم فرماتا ہے ان کے دلوں میں نرمی ڈال دیتا ہے،وہ لوگوں پر نرمی کرتے ہیں،جس سے ان کی عزّت اور بڑھ جاتی ہے اور جن لوگوں پر اللہ پاک قہر(غضب)فرماتا ہے انہیں نرمیِ دل سے محروم کردیتا ہے،ان کے دل سخت ہو جاتے ہیں،لوگوں سے سختی سے پیش آتے ہیں۔(مرآۃ المناجیح ،۶/۶۵۴)

یادرکھئے!نرمی ایک بہت ہی پیاری خوبی ہے جو انسان کورحم پر اُبھارتی،ظلم سے روکتی،تَکَبُّر سے بچاتی اور عاجزی پر اُکساتی ہے۔زندگی کاویران کھنڈرنرمی کےسبب عالیشان محل میں تبدیل ہوسکتا ہے۔ نرمی پیدا کرنے کے لیے لازمی ہے کہ دل کو نرم کیجئے کیونکہ انسان کا دل اعضاء کا بادشاہ ہے، جب یہ نرم ہو گیا تو ہمارے کِردارمیں خود ہی نرمی پیدا ہو جائے گی۔ دل میں نرمی کیسے پیدا ہو؟ آئیے ! اس بارے میں چند نکات سنتے ہیں ،چنانچہ

(1)غفلت سے بیدار ہوجائیے!

اگر ہر وَقْت ذِکرو دُرُود میں مشغول رہیں گے تو اس کی بَرَکت سے ہمارا دل نرم ہو جائےگا ورنہ یادِ الٰہی سے غافل رہنے کی نحوست سے دل سخت ہوسکتاہے،جیسا کہ

حضرت عبدُ اللہ بن عمر رَضِیَ اللہ عَنْہُم ا سے روایت ہے،نبیِّ کریم صَلَّی اللہ عَلَیْہِ واٰلہٖ وَسَلَّمَ نے ارشاد فرمایا: اللہ پاک کے ذِکْر کے علاوہ زیادہ گفتگو نہ کرو کیونکہ اللہ پاک کے ذِکْر کے بغیر زیادہ گفتگو کرنا دل کی سختی( کی وجہ ہے) اور سخت دل آدمی اللہ پاک سے بہت دور ہوتا ہے۔(ترمذی،کتاب الزہد،۶۲-باب منہ، ۴ /۱۸۴، حدیث: ۲۴۱۹)

(2)گناہوں کے خلاف اعلانِ جنگ کیجیے!

Important

Mobile Apps

Contact Us