، ۱/۲۳۔ زرقانی،۴ /۲۵۳ملخصاً)

صَلُّوْا عَلَی الْحَبِیْب!                                                           صَلَّی  اللہ   عَلٰی مُحَمّد

پیارے اسلامی بھائیو!آپ نے سناکہ پیا رے آقا  صَلَّی  اللہ   عَلَیْہِ وَاٰلِہٖ وَسَلَّم  کس قدر نرمی  فرمایا کرتے تھے اوربد تمیزی کرنے والوں کو معافی سے نوازتے تھے،  یہی وجہ تھی کہ تورات  کا اتنا بڑا عالِم  بھی آپ  صَلَّی  اللہ  عَلَیْہِ واٰلِہٖ وَسَلَّمَ  کے کردار سے مُتَأثِّر ہوئے بغیر نہ  رہ سکا اور کلمہ پڑھ کردائرہ اسلام میں داخل ہوگیا،لہٰذا نبیِّ اکرم  صَلَّی  اللہ   عَلَیْہِ وَاٰلِہٖ وَسَلَّم  کی پیاری سیرت پرعمل کرتےہوئے اپنے اندر نرمی  جیسی پیاری  عادت(Habit)پیدا کرنے کی کوشش کیجئے،لوگوں کی غلطیوں  پر اُنہیں معاف کرنا سیکھئے، کوئی کتنا ہی غصّہ دِلائے ہمیشہ اپنی زبان کو قابو میں رکھئےکہ اسی میں دنیا و آخرت کی بھلائی ہے ۔

پیارے اسلامی  بھائیو!نرمی کی کتنی اَہَمِّیَّت ہے اس کا اندازہ اس بات سے لگایئےکہ جب  اللہ  کریم نے حضرت موسیٰ  عَلَیْہِ السَّلَام  کو فرعون کی طرف بھیجا کہ اسے ایمان کی دعوت دیں تو  اللہ  پاک نے اس کے ساتھ نرمی سے بات کرنے کا حکم ارشاد فرمایا،چنانچہ

پارہ 16سُوْرَۂ طٰہٰ کی آیت نمبر 44 میں  اللہ  پاک ارشاد فرماتا ہے :

فَقُوْلَا لَهٗ قَوْلًا لَّیِّنًا لَّعَلَّهٗ یَتَذَكَّرُ اَوْ یَخْشٰى(۴۴)

(پ۱۶،طہ:۴۴)

ترجمۂ کنزُالعِرفان : توتم اُس سے نرم بات کہنا اِس اُمید پر کہ شاید وہ نصیحت قبول کرلے یا ڈرجائے۔

                             بیان کردہ آیتِ مبارَکہ کے تحت تفسیرِ خازن میں لکھا ہے:یعنی جب تم فرعون کے پاس جاؤ تو اُسے نرمی کے ساتھ نصیحت فرمانا۔بعض مُفَسِّرِیْن( رَحْمَۃُ  اللّٰہ  ِ  عَلَیْہِمْ اَجْمَعِیْن )کے نزدیک فرعون کے ساتھ نرمی کا حکم اس لئے تھا کہ اس نے بچپن میں حضرت موسیٰ  عَلَیْہِ السَّلَام  کی خدمت کی تھی اور بعض مُفَسِّرِیْن( رَحْمَۃُ  اللّٰہ  ِ  عَلَیْہِمْ اَجْمَعِیْن )نے فرمایا:نرمی سے مراد یہ ہے کہ آپ اس سےوعدہ کریں کہ اگر وہ