فرمانِ مصطفےٰ  صَلّی  اللہ  عَلَیْہ وآلِہ وسَلَّم :اَفْضَلُ الْعَمَلِ اَلنِّيَّۃُ الصَّادِقَۃُ سچی نیت سب سے افضل عمل ہے۔ ^([1]) اے عاشقانِ رسول! ہر کام سے پہلے اچھی اچھی نیتیں کرنے کی عادت بنائیے کہ اچھی نیت بندے کو جنت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے! مثلاً نیت کیجئے! *عِلْم سیکھنے کے لئے پورا بیان سُنوں گا  * با اَدب بیٹھوں گا *دورانِ بیان سُستی سے بچوں گا  *اپنی اِصْلاح کے لئے بیان سُنوں گا  *جو سُنوں گا دوسروں تک پہنچانے  کی کوشش کروں گا۔

 صَلُّوْا عَلَی الْحَبِیْب!                                                          صَلَّی  اللہ  عَلٰی مُحَمّد

اےعاشقانِ رسول! نرمی ربِّ کریم کی ایک بہت اچھی نعمت ہے،جس خوش نصیب مسلمان کو یہ نعمت عطا کی جاتی ہے،اس کےاخلاق بہتر ہوتے چلے جاتے ہیں اور لوگ بھی ایسےشخص سے مَحَبَّت کرتے ہیں۔توآیئے!آج کے اس ہفتہ وار سُنّتوں بھرے اجتماع میں ہم نرمی(Politness) کےتعلق سے کچھ واقعات و حکایات اور احادیث و روایات سنتے ہیں۔آئیے!پہلےنرمی کے تعلق سے ایک ایمان تازہ کرنے والا واقعہ سُنتے ہیں ،چنانچہ

تورات کے عالم کاقبولِ اسلام

حضرت زید بن سَعنہ رَضِیَ  اللہ   عَنْہُ  جو قبولِ اسلام سے پہلے تورات کےعالِم تھے،انہوں نے حضورِ انور  صَلَّی  اللہ   عَلَیْہِ وَاٰلِہٖ وَسَلَّم  سے کھجوریں خریدی تھیں۔کھجوریں دینے کی مُدّت میں ابھی ایک دو دن باقی تھے کہ انہوں نے بھری محفل میں حضورِ پاک  صَلَّی  اللہ   عَلَیْہِ وَاٰلِہٖ وَسَلَّم  سے سختی کے ساتھ تقاضا کیا اور آپ  صَلَّی  اللہ   عَلَیْہِ وَاٰلِہٖ وَسَلَّم  کا دامن اور چادر پکڑ کرتیز نظروں سے آپ صَلَّی  اللہ  عَلَیْہِ واٰلِہٖ وَسَلَّمَ  کی طرف دیکھا،یہ منظر دیکھ کر امیرُالمؤمنین حضرت عمر  رَضِیَ  اللہ   عَنْہُ  نے جلال بھری نظروں سے دیکھ کر کہا:اے