(صراط الجنان،۲/۸۰)

نَرْمی کی اَہَمِّیَّت

پیارے اسلامی بھائیو!جس طرح سونا نَرْم ہوکر زیور بنتا ہے،لوہا نرم ہوکر ہتھیاربن جاتاہے اور مٹی نرم ہوکر کھیتوں کی ہریالی کا سبب بنتی ہے، اسی طرح اِسلامی تعلیمات کے مطابق کی جانے  والی”نرمی“ایسی خوبی ہے جس کی وجہ سے انسان کے اندر رحمت،شفقت،آسانی،معافی اور برداشت جیسی اچھی خوبیاں پیدا ہوجاتی ہیں۔آئیے!ترغیب  کیلئے نرمی کے فضائل پر مُشْتَمِل3 فرامینِ مُصْطَفٰے صَلَّی  اللہ  عَلَیْہِ واٰلِہٖ وَسَلَّمَ  سُنئے،چنانچہ

1.      ارشاد فرمایا:اے عائشہ( رَضِیَ  اللہ  عَنْہا )!، اللّٰہ پاک رفیق ہےاوررِفق یعنی نرمی کو پسند فرماتا ہے،  اللّٰہ  پاک نرمی کی وجہ سےوہ چیزیں عطاکرتاہےجوسختی یاکسی اوروجہ سےعطانہیں فرماتا۔

(مسلم، کتاب البر والصلۃ والآداب، باب فضل الرفق، ص۱۰۷۲، حدیث:۶۶۰۱)

2.    ارشاد فرمایا:نرمی جس چیز میں بھی ہوتی ہے وہ اُسے خوبصورت بنا دیتی ہے اورجس چیز سے نرمی نکال دی جاتی ہے،اُسےبدصورت کردیتی ہے۔( مسلم، کتاب البر والصلۃ والآداب، باب فضل الرفق، ص ۱۰۷۳، حدیث:۶۶۰۲)

3.      ارشادفرمایا:مومن آسانی کرنے والا نرم ہوتا ہے،جیسے نکیل والا اُونٹ کہ کھینچا جائے تو کھنچ جاتا ہے اور چٹان پر بٹھایا جائے تو بیٹھ جائے۔(مشکاۃالمصابیح،کتاب الآداب،باب الرفق والحیاء...إلخ،۳/۲۳۰، حدیث:۵۰۸۶)

 صَلُّوْا عَلَی الْحَبِیْب!                                                          صَلَّی  اللہ  عَلٰی مُحَمّد

 پیارےاسلامی بھائیو!آپ نے سنا کہ نرمی کی کس قدر اَہَمِّیَّت ہے، نرمی  اللہ  پاک کو بے حد  پسندہے،جس چیز میں  نرمی  ہوتی ہےاُسےزینت دیتی ہےجبکہ جوشخص نرمی جیسی پیاری خوبی