Book Name:Kaba Shareef Ki Khasosiyat
(5) : ڪعبو شريف امن جو مقام آهي
اي عاشقانِ رسول! ڪعبي شريف جي پنجين خاصيت هي آهي ته:
وَ مَنْ دَخَلَہٗ کَانَ اٰمِنًا ؕ
(سيپارو: 4، سوره آلِ عمران: 97)
ترجموڪنزُالعرفان: ۽ جيڪو ان گهر ۾ داخل ٿيو امن وارو ٿي ويو
سُبْحٰنَ اللہ! معلوم ٿيو؛ جيڪو ڪعبي شريف (۽ ان جي آسپاس ڪيترن ئي ڪلوميٽرن تي پکڙيل حرمِ پاڪ) ۾ داخل ٿي ويو، اهو امن ۾ اچي ويو.
مڪي پاڪ ۾ اچڻ واري کي بخشيو ويندو آهي
عالمَ سڳورا فرمائن ٿا: جيڪو ٻانهو ڪعبي شريف (يا حدودِ حرم) ۾ داخل ٿي وڃي، ان جي امن ۾ اچڻ جون مختلف صورتون آهن (1): ان جي هڪ صورت ته هي آهي ته جيڪو خوش نصيب نيڪي جي نيت سان حج يا عمرو وغيره ڪرڻ لاءِ حرمِ پاڪ ۾ پهچي ويندو آهي، اهو قيامت جي ڏينهن عذاب کان امن ۾ رهندو. [1] حديثِ پاڪ ۾ آهي: سرڪارِ عالي وقار، مڪي مدني تاجدار صَلَّى اللهُ عَلَيْهِ وَاٰلِهٖ وَسَلَّم فرمايو: جيڪو حرمِ پاڪ ۾ اچي ويندو آهي، ان کي نيڪيون ملنديون آهن، ان جون برايون دور ڪيون وينديون آهن ۽ ان کي بخشيو ويندو آهي.[2]
سُبْحٰنَ اللہ! ڪعبي شريف جو ڪيڏو عظيم شان آهي جو جيڪو ٻانهو ڪعبي شريف جي قرب ۾ ئي نه پر حدودِ حرم ۾ ئي پهچي ويندو آهي، ان کي نيڪيون ملنديون آهن، گناهه ڌوپجندا آهن ۽ ان کي بخشيو ويندو آهي.[3]
قاضي عياض مالڪي رَحْمَةُ الـلّٰـهِ عَـلَيْه شفا شريف ۾ لکن ٿا: هڪ ڀيري سَعۡدُون خَوۡلاني وٽ ڪجهه ماڻهو آيا ۽ ٻڌايائون ته فلاڻي قبيلي هڪ