صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد

 دُنیا دھوکے کا گھر ہے

اے عاشقانِ رسول!یہ سچ ہے، موت آنی ہے، ہم سب نے اس دُنیا سے رَخْتِ سَفَر باندھنا ہی باندھنا ہے۔ پارہ:4، سورۂ آلِ عمران، آیت:185 میں اللہ پاک فرماتا ہے:

كُلُّ  نَفْسٍ   ذَآىٕقَةُ  الْمَوْتِؕ-وَ  اِنَّمَا  تُوَفَّوْنَ  اُجُوْرَكُمْ  یَوْمَ  الْقِیٰمَةِؕ-فَمَنْ  زُحْزِحَ  عَنِ  النَّارِ  وَ  اُدْخِلَ  الْجَنَّةَ  فَقَدْ  فَازَؕ-وَ  مَا  الْحَیٰوةُ  الدُّنْیَاۤ  اِلَّا  مَتَاعُ  الْغُرُوْرِ(۱۸۵)

(پارہ:4،سورۂ آلِ عمران:185)

ترجَمہ کنز العرفان: ہر جان موت کا مزہ چکھنے والی ہے اورقیامت کے دن تمہیں تمہارے اجر پورے پورے دئیے جائیں گے توجسے آگ سے بچا لیا گیا اور جنت میں داخل کردیا گیا تو وہ کامیاب ہوگیا اور دنیا کی زندگی تو صرف دھوکے کا سامان ہے۔

خلیفۂ اعلیٰ حضرت،مفتی محمد نعیم الدِّین مراد آبادی رَحمۃُ اللہِ عَلَیْہ اِس آیت کے تحت فرماتے ہیں:دُنیا کی حقیقت(Reality) اس مبارک جملے نے واضِح کر دی، آدمی زندگانی پر شیدائی ہوتا ہے، اسی کو سرمایہ (Capital)سمجھتا ہے اور اس فرصَت کو بےکار ضائع کر دیتا ہے، وقتِ اخیر اسے معلوم ہوتا ہے کہ اس (زِندگی) میں بقا (Survival)نہ تھی، اس کے ساتھ دِل لگانا اخروی زِندگی(Life after death) کے لئے سخت نقصان دِہ ثابت ہوا۔ ^([1])

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

امام حسن بصری رَحمۃُ اللہِ عَلَیْہ    کی نصیحت

حضرت ربیع بن صبیح رَحمۃُ اللہِ عَلَیْہ   فرماتے ہیں  : ہم نے حضرت حسن بصری رَحمۃُ اللہِ عَلَیْہ سے