پاک فرماتا ہے:

وَ مَنْ یَّتَوَلَّ اللّٰهَ وَ رَسُوْلَهٗ وَ الَّذِیْنَ اٰمَنُوْا فَاِنَّ حِزْبَ اللّٰهِ هُمُ الْغٰلِبُوْنَ۠(۵۶)  (پارہ:6 ،  المائدہ:56)

ترجمہ کنزُ العِرفان:اور جو اللہ اور اس کے رسول اور مسلمانوں کو اپنا دوست بنائے تو بیشک اللہ ہی کا گروہ غَالِب ہے ۔

یعنی جو اللہ پاک سے مَحبّت کرتا ہے ،  رسولِ پاک  صَلَّی اللہ عَلَیْہِ وَ آلِہٖ وَ سَلَّم  سے مَحبّت کرتا ہے ،  نیک سیرت متقی مسلمانوں سے مَحبّت کرتا ہے ،  اللہ پاک کو بھی اپنا مددگار مانتا ہے ،  رسولِ ذیشان  صَلَّی اللہ عَلَیْہِ وَ آلِہٖ وَ سَلَّم  کو بھی اپنا مددگار مانتا ہے ،  اللہ پاک کے محبوب بندوں کو بھی اپنا مددگار تسلیم کرتا ہے ،  ایسے خوش نصیب (Lucky) اور خوش عقیدہ لوگ اللہ پاک کا گروہ ہیں اور اللہ پاک کا گروہ کبھی مَغْلُوب (Submissive) نہیں ہوتا ،  ہمیشہ غالِب (Dominant) ہی رہتا ہے ۔  

دشمن اگرچہ گھات میں ہے کوئی غم نہیں            ان کی مدد رہے تو بگاڑ اپنا کیا سکے

عطّارؔ تیرے حامی و ناصِر ہیں مصطفےٰ                                 کس کی مجال ہے کہ جو تجھ کو دبا سکے^([1])

جوتی مُبارک نے ڈاکوؤں کا کام تمام کر دیا

شیخ ابو عَمْرو اور شیخ عَبْدُ الْحَق حَرِیمی  رَحمۃُ اللہ علیہم ا فرماتے ہیں : 555 ہجری کی بات ہے ، 3صَفَرُ المُظَفَّر اتوار (Sunday) کو ہم حُضُورِ غوثِ اعظم شیخ عَبْدُالْقَادِر جِیلانی  رَحمۃُ اللہ عَلَیْہ  کے مدرسے میں حاضِر تھے ،  اس وقت حُضُورِ غوثِ اعظم  رَحمۃُ اللہ عَلَیْہ  نے کھڑائیں ( یعنی لکڑی کے چپل) پہنے اور وُضُو فرمایا ، وُضُو فرمانے کے بعد آپ نے 2 رکعت نَفْل ادا کئے ، نَماز سے