مدد مانگا کرتے ہیں ۔  

ولیوں کی مدد اللہ پاک ہی کی مدد ہے

پیارے اسلامی بھائیو! یہاں یہ بھی یاد رکھئے! ولیوں کی مدد اَصْل میں غیرُ اللہ کی مدد ہے ہی نہیں ،  یہ اللہ پاک ہی کی مدد ہے جو ولیوں کے ذریعے سے ملتی ہے ۔  جیسے اللہ پاک رَزَّاق ہے ،  وہی رِزْق دیتا ہے مگر ہر ایک تک رِزْق پہنچنے کے ذرائع (Sources) مختلف ہیں  * کسی کو دُکان (Shop) کے ذریعے رِزْق ملتا ہے  * کوئی نوکری (Job) کرکے رِزْق لیتا ہے  * کوئی اپنا کاروبار (Business) کرتا ہے  * کسی کو سیٹھ کے ہاتھوں مل رہا ہے  * کسی کو گورنمنٹ دیتی ہے  * کوئی گاہک (Customer) سے وُصُول کرتا ہے ،  رَزَّاق تو اللہ پاک ہی ہے ،  دیتا وہی ہے مگر ان ذرائع (Sources) سے عطا فرماتا ہے ،  ایسے ہی مدد اللہ پاک ہی کی ہے ،  وہ مدد فرماتا ہے مگر اس کی مدد ملنے کے ذرائع مختلف ہیں ،  کسی کو داتا حُضُور کے ذریعے اللہ پاک کی مدد ملتی ہے ،  کسی کو خواجہ اجمیر  رَحمۃُ اللہ عَلَیْہ  کے ذریعے ملتی ہے اور کسی کو المدد یا غوثِ پاک پُکارنے سے مل جاتی ہے ۔  دیکھئے! غزوۂ بدر کے موقع پر اللہ پاک نے فِرشتوں کو مدد کے لئے بھیجا ۔  اللہ پاک فرماتا ہے :

اِذْ یُوْحِیْ رَبُّكَ اِلَى الْمَلٰٓىٕكَةِ اَنِّیْ مَعَكُمْ فَثَبِّتُوا الَّذِیْنَ اٰمَنُوْاؕ- (پارہ:9 ،  الانفال:12)

ترجمہ کنزُ العِرفان: یاد کرو اے حبیب! جب تمہارا رب فرشتوں کو وحی بھیجتا تھا کہ میں تمہارے ساتھ ہوں تم مسلمانوں کو ثابت رکھو ۔

یہاں دیکھئے!فرشتے بھی غَیر اللہ ہیں ۔  اللہ پاک نے خُود فرشتوں کو فرمایا : اے فرشتو! ایمان والوں کو ثابِت قدم (Steadfast) رکھو! میں تمہارے ساتھ ہوں ۔