اس حدیثِ پاک کا تَجْرِبَہ بھی کیا ہے ،  کیا حدیث شریف ہے؟ سنیئے! بدری صحابی حضرب عُتْبَہ بِنْ غَزْوَان رَضِیَ اللہ عنہ فرماتے ہیں: اللہ پاک کے محبوب نبی ،  رسولِ ہاشمی  صَلَّی اللہ عَلَیْہِ وَ آلِہٖ وَ سَلَّم  نے فرمایا: جب تم میں سے کسی کی کوئی چیز گم ہو اور ہو بھی سُنْسَان جگہ (Deserted Place) پر جہاں کوئی مددگار نہ ہو ،  ایسی حالت میں اگر وہ مدد چاہےتو یوں کہے: ‌يَا ‌عِبَادَ ‌اللهِ ‌أَغِيثُونِي ،  ‌يَا ‌عِبَادَ ‌اللهِ ‌أَغِيثُونِياے اللہ کے بندو! میری مدد کرو! اے اللہ کے بندو! میری مدد کرو! ^([1])

اب دیکھئے! یہ تعلیم کون دے رہا ہے؟  * ہمارے آقا ،  ہمارے ہادی ،  ہمارے راہنما  صَلَّی اللہ عَلَیْہِ وَ آلِہٖ وَ سَلَّم ! دُنیا کی وہ ہستی جو سب سے بڑے توحید پرست ہیں  * وہ آقا  صَلَّی اللہ عَلَیْہِ وَ آلِہٖ وَ سَلَّم  جو سب سے بڑھ کر اللہ پاک کی معرفت رکھنے والے ہیں  * وہ آقا  صَلَّی اللہ عَلَیْہِ وَ آلِہٖ وَ سَلَّم  جو سب سے زیادہ توحید کا چرچا کرنے والے ہیں  * وہ ہادِی و راہنما  صَلَّی اللہ عَلَیْہِ وَ آلِہٖ وَ سَلَّم  ہمیں تعلیم دے رہے ہیں کہ اگر تم ایسی جگہ ہو ،  جہاں بظاہِر کوئی مددگار نظر نہیں آ رہا ،  ایسی جگہ اگر مدد چاہئے ہو تو کس کو پُکارو! اللہ کے بندوں کو...!

غور فرمائیے! کیا محبوبِ ذیشان  صَلَّی اللہ عَلَیْہِ وَ آلِہٖ وَ سَلَّم  (مَعَاذَ اللہ!) نہیں جانتے کہ اللہ پاک مددگار ہے تو اسی سے مدد مانگی جائے ،  انہوں نے ہی تو ہمیں اللہ پاک سے مانگنا سکھایا ہے ،  یعنی جن محبوب  صَلَّی اللہ عَلَیْہِ وَ آلِہٖ وَ سَلَّم  نے ہمیں اللہ پاک سے مانگنا سکھایا ہے ،  وہی محبوب  صَلَّی اللہ عَلَیْہِ وَ آلِہٖ وَ سَلَّم  ہمیں ترغیب (Motivation) دِلا رہے ہیں کہ اللہ پاک کے بندوں سے مانگا کرو! اور بندے بھی وہ جو بظاہِر نظر نہیں آ رہے ،  آنکھوں سے غائِب ہیں ،  لہٰذا جن کی تعلیم پر اللہ پاک سے مانگتے ہیں ،  انہی کی ترغیب پر ہم اَولیائے کرام  رَحمۃُ اللہ علیہم   سے بھی