دَم توڑ گئے اور وہ توبہ کر کے خوش عقیدہ ،  عاشقِ رسول و عاشقِ اَوْلیا بن گیا ۔ ^([1])

شَیْئًا لِلّٰہِ یَا عَبْدَالقَادِرِ یَا ساکِن بَغْدَاد یَا شَیْخَ الْجِیْلَانِیْ

کرم چاہئے تیرا ،  تیرے خُدا کا                                                                  کرم غوثِ اعظم ،  کرم غوثِ اعظم

خدارا ذرا ہاتھ سینے پہ رکھ دو                                                                                      ابھی مٹتے ہیں غم ،  اَلَم غوثِ اعظم

خبر لو ہماری کہ ہم ہیں تمہارے                                                        کرو ہم پہ فضل و کرم غوثِ اعظم

کرم سے کیا رہنما رَہْزنوں کو                                                                            ادھر بھی نگاہِ کرم غوثِ اعظم^([2])

شَیْئًا لِلّٰہِ یَا عَبْدَالقَادِرِ یَا ساکِن بَغْدَاد یَا شَیْخَ الْجِیْلَانِیْ

آخرولیوں سے کیوں مانگیں؟

پیارے اسلامی بھائیو! ہم نے قرآنِ کریم کی آیت سُنی ،  جس میں بتایاگیا کہ اللہ پاک بھی مددگار ہے ،  اس کے محبوب بندے بھی مددگار (Helpful) ہیں ۔  اس موقع پر بعض لوگ یہ سُوال کیا کرتے ہیں کہ چلو مان لیا! اَوْلیائے کرام  رَحمۃُ اللہ علیہم   مددگار ہیں مگر جب اللہ پاک خُود ہماری سنتا بھی ہے ،  ہماری مدد بھی فرماتا ہے ،  پِھر آخر ہم بندوں سے مدد مانگیں ہی کیوں؟ صِرْف اللہ پاک ہی سے مدد مانگا کریں  ۔

بڑا اَہَم سوال (Important Question)ہے ،  بہت سارے خوش عقیدہ لوگ بھی اس شیطانی وسوسے کا شِکار ہو جاتے ہیں ۔  اس کا جواب کیا ہے؟ آئیے! ایک حدیثِ پاک سنتے ہیں ۔  حدیثِ حَسَن ہے یعنی سند (Authencity) کے اعتبار سے اس حدیث میں کلام نہیں ،  بہت سارے محدِّثِین نے اس حدیث کو ذِکْر کیا اور بڑے بڑے عُلَما و مُحَدِّثِین نے خود