نه وو (که چرې وے نو د هغوئي قميص به د فاروقِ اعظم رَضِىَ اللهُ عَـنْهُ نه هم زيات اوګږد ښودلے کيدلو چې هغوئي رَضِىَ اللهُ عَـنْهُ د فاروقِ اعظم رَضِىَ اللهُ عَـنْهُ نه زيات افضل، زيات پوخ دِين او ايمان والا دي).^[1]

د دِين په معامله کښې د ټولو نه سخت صحابي

سُبْحٰنَ اللّٰہ! خوږو او محترمو اسلامي وروڼو! د دې حديثِ پاک نه معلومه شوه چې حضرت عمر فاروقِ اعظم رَضِىَ اللهُ عَـنْهُ په دِين کښې ډير پوخ او ډير مضبوط ايمان والا دے. په يو حديثِ پاک کښې دي، رسولِ رحمت، شفيعِ اُمَّت صَلَّى اللهُ عَلَيْهِ وَاٰلِهٖ وَسَلَّم اوفرمائيل: اَشَدُّهُمْ فِیْ دِیْنِ اللّٰہِ عُمَرُ  يعنې په ديني معامله کښې د ټولو صحابۀ (رَضِىَ اللهُ عَـنْهُم) نه زيات سختي کوونكے عمر (رَضِىَ اللهُ عَـنْهُ) دے.^[2] په يو روايت کښې ئې اوفرمائيل: اَشَدُّ اُمَّتِی فِیْ اَمْرِ اللّٰہِ عُمَر يعنې د الله پاک د حکمونو په معامله کښې زما د ټولو نه پوخ اُمَّتي عمر فاروق دے.^[3]  

خوږو او محترمو اسلامي وروڼو! معلومه شوه: حضرت عمر فاروقِ اعظم رَضِىَ اللهُ عَـنْهُ د دين په حکمونو باندې په ډيرې سختئ سره عمل کوونكے وو، هسې خو ټول صحابۀ کرام عَليهمُ الرّضوَان هم په دين باندې په مضبوطياسره عمل کوونكي دي خو د حضرت عمر فاروقِ اعظم رَضِىَ اللهُ عَـنْهُ دا مضبوطيا او پوخ والے تر دومره حده پورې رسيدلے وو چې دا د هغوئي خصوصيت جوړ شو، تر دې چې حضور داتا ګنج بخش علي هجويري رَحْمَةُ اللهِ عَلَيْه فرمائي: صوفيائے کرام (يعنې د الله پاک نيک بندګان، اوليائے کرام رَحْمَةُ اللهِ عَلَيْهِم) د دِين په