يو نوے ماډل راغلے دے * نن سبا د جامو کوم يو نوے فيشن روان دے * نوې ټيکنالوجي * د ګوټ ګوټ خبرونه، هر څه راته معلوم وي، آو! که پته راته نه وي نو د دې پته راته نه وي چې الله پاک مونږ ته څه څه حکمونه کړي دي، خوږ آقا، مکي مدني مصطفٰے صَلَّى اللهُ عَلَيْهِ وَاٰلِهٖ وَسَلَّم ما ته د ژوند تيرولو څه طريقه ښودلې ده.

ښكاره خبره ده کله چې د دِين علم نه وي نو په دې باندې به عمل څنګه کيږي؟ اے عاشقانِ رَسُول! مونږ له ويريدل پکار دي، د الله پاک د عذاب نه، د هغه د ګرفت نه ويريدل پکار دي، د دِين په معامله کښې د سستئ نه کار اخستل، ځان په ګناهونو کښې اخته کول، زمونږ د سترګو په وړاندې د دِين ښکاره مخالَفَت کيږي، د دې پرواه نه کول، دا ډيره نقصان رسوونکې باطني بيماري ده، دې ته تَسَاهُلْ فِـى الله (يعنې د دِين په معامله کښې سستي کول) وئيلے شي.

افسوس! دا بيماري زمونږه په معاشره کښې ډيره خوره شوې ده * ځوي لمُونځ نه کوي، د پلار سره ئې هيڅ غم نه وي * په کور کښې سندرے باجے غږيږي * فلمونه کتلے کيږي * د الله پاک نافرماني کيږي خو د کور مشر پرې هډو غوږ نه ګروي (يعنې هغه ئې بالکل پرواه نه کوي). دا تَسَاهُلْ فِـى الله دے او ډيره نقصان رسوونکې باطني بيماري ده.

نيک کَس هم په عذاب کښې

د مدينے جانان، د دواړو جهانونو سردار صَلَّى اللهُ عَلَيْهِ وَاٰلِهٖ وَسَلَّم اوفرمائيل: الله پاک حضرت جبريلِ امين عَلَیْهِ السَّلَام ته حکم اوکړو چې فلانکے ښار د هغه اوسيدونکو سره نيست و نابود کړه! حضرت جبريلِ امين عَلَیْهِ السَّلَام عرض اوکړو: اے رَبِّ کريمه! په دغه خلقو