د فاروقِ اعظم د پاره بخښنه او لوئے ثواب

خوږو او محترمو اسلامي وروڼو! په سيپاره 26، سورۀ حُجُرات دويم آيت کښې مسلمانانو ته حکم اوکړے شو چې د خوږ آقا، مکي مدني مصطفٰـى صَلَّى اللهُ عَلَيْهِ وَاٰلِهٖ وَسَلَّم په پاکه بارګاه کښې چې کله څه عرض کول وي نو د دې خبرې دې خاص خيال اوساتلے شي چې د چا آواز هيڅ کله هم د هغوئي صَلَّى اللهُ عَلَيْهِ وَاٰلِهٖ وَسَلَّم د آواز مبارک نه اوچت نه شي، ګنې نو ستاسو د اعمالو، ستاسو د لمُونځونو، ستاسو د روژو، ستاسو د حج برباديدو انديښنه ده.

د حديثِ پاک مشهور کتاب  تِرمذي روايت دے، کله چې دا حکم نازل شو نو حضرت ابو بکر صديق، حضرت عمر فاروقِ اعظم او يو څو نورو صحابۀ کرامو عَليهمُ الرّضوَان په ځان باندې ډير احتياط لازم کړو، حضرت عمر فاروقِ اعظم رَضِىَ اللهُ عَـنْهُ خو به دومره په قلاره خاموشه خبرے کولے چې کله کله به خوږ آقا، مکي مدني مصطفٰـى صَلَّى اللهُ عَلَيْهِ وَاٰلِهٖ وَسَلَّم ته د بيا پوښتنه کول پيښيدل چې څه وائې.^[1] په دې باندې اوفرمائيلے شو:

اِنَّ  الَّذِیۡنَ یَغُضُّوۡنَ  اَصۡوَاتَہُمۡ عِنۡدَ رَسُوۡلِ اللّٰہِ  اُولٰٓئِکَ الَّذِیۡنَ امۡتَحَنَ اللّٰہُ قُلُوۡبَہُمۡ  لِلتَّقۡوٰی ؕ       لَہُمۡ  مَّغۡفِرَۃٌ  وَّ اَجۡرٌ عَظِیۡمٌ (۳)  (پارہ28، سورۃ الحجرات: 3)

مفهوم ترجَمۀ کنزُ العرفان: بيشکه کوم خلق چې د الله او د رسول خوا ته خپل آوازونه لاندې [ټيټ] ساتي هم دغه خلق دي د کومو زړونه چې الله د پرهيزګارئ د پاره ټاكلي دي، د دوئي د پاره بخښنه او لوئے ثواب دے.

هغه صحابۀ کرام عَليهمُ الرّضوَان کومو چې به په بارګاهِ رسالت کښې خپل آوازونه ټيټ ساتل، خاص طور حضرت ابو بکر صديق رَضِىَ اللهُ عَـنْهُ او حضرت عمر فاروقِ اعظم رَضِىَ اللهُ عَـنْهُ د دوئي