Book Name:Farooq e Azam Ke Ala Ausaf
د مننې کولو سره به مې په رجوع کولو بيامومئ. د هغوئي د دې اعلٰـى ظرف په وجه نن په ټوله دنيا کښې د هغوئي په لکونو مُريدان دي کوم چې د هغوئي په ارشاداتو باندې د زړه د کومې نه عمل کوي، الله پاک د خلقو په زړونو کښې د هغوئي داسې محبت اچولے دے چې ډير خلق د هغوئي د ليدلو بغير د هغوئي مريدان جوړيږي.
خوږو او محترمو اسلامي وروڼو! مونږ له هم دا انداز خپلول پکار دي، د اصلاح په مُعامَله کښې اوپن ډور [يعني د بيرته زړه] پاليسي ساتل پکار ده، يعنې که څوک هم وړوکے يا غټ زمونږه اصلاح کول غواړي نو د هغوئي د پاره دروازې بيرته ساتل پکار دي، اِنْ شَآءَ اللّٰہُ الْکَرِیم! د دې به ډيرې فائدے وي، کردار به مو ښه کيږي، اصلاح به مو کيږي او د دې سره سره به د دې انداز په برکت سره د خلقو په زړونو کښې محبت هم زيات شي، عزت به هم زيات شي.
اللہ پاک دې مونږ له د عمل کولو توفيق راکړي.
اٰمِين بِجَاهِ خَاتَمِ النَّبِيّٖن صَلَّى اللّٰهُ عَلَيۡهِ واٰلِهٖ وَسَلَّم
(4): فاروقِ اعظم او د قرآنِ کريم سره محبت
خوږو او محترمو اسلامي وروڼو! د حضرت عمر فاروقِ اعظم رَضِىَ اللهُ عَـنْهُ يو ښکلے صفت دا هم دے چې هغوئي به د قرآنِ کريم سره محبت کولو، د قرآنِ کريم تلاوت به ئې ښه په شوق کولو، ډير ځل خو به د تلاوت کولو په وخت د هغوئي حالت بدليدلو او هغوئي به د الله پاک د ويرې نه په سلګو سلګو ژړل. حضرت عبد الله بن شَدَّاد رَضِىَ اللهُ عَـنْهُ فرمائي: يوه ځل حضرت عمر فاروقِ اعظم رَضِىَ اللهُ عَـنْهُ د سحر د لمُونځ جَمعه ورکوله، هغوئي د سُورۀ يُوسُف