* حِلْم والا اللہ پاک کا پسندیدہ اور پیارا بندہ بَن جاتا ہے * فرشتے حِلْم والے کے مددگار ہوتے ہیں * حِلْم والے کی لوگ تعریف کرتے ہیں * اور حِلْم والا آدمی بلند درجات تک پہنچ جاتا ہے * سرکارِ عالی وقار ، مکی مدنی تاجدار صلّی اللہ ُ عَلَیْہِ وَ آلِہٖ وَسَلَّم نے فرمایا : 5 چیزیں سُنتِ انبیا ہیں ، ( اُن میں سے ایک )  حِلْم ہے۔ ^{( [1] ) *} ایک حدیثِ پاک میں ہے : بےشک مسلمان حِلْم کے ذریعے دِن کو روزہ رکھنے اور رات کو عبادت کرنے والے کا درجہ پا لیتا ہے۔ ^{( [2] )} * ایک حدیثِ پاک میں ہے : روزِ قیامت مخلوق کو جمع کیا جائے گا ، ایک اعلان کرنے والا اعلان کرے گا : فضیلت والے  کہاں ہیں ؟ یہ سُن کر کچھ لوگ اُٹھ کر جلدی سے جنّت کی طرف بڑھ جائیں گے ، فرشتے اُن سے پوچھیں گے ؟ تم جلدی جلدی جنّت کی طرف کیوں جا رہے ہو ؟ وہ کہیں گے : ہم ہی فضیلت والے ہیں۔ فرشتے پوچھیں گے : تمہاری فضیلت کیا ہے ؟ وہ کہیں گے : جب ہم پر ظُلْم کیا جاتا تو ہم صبر کرتے ، ہم سے بُرا رَوِیَّہ اختیار کیا جاتا تو ہم مُعَاف کرتے اور جب ہم سے کوئی جہالت والا برتاؤ کرتا تو ہم حِلْم کا مُظَاہرہ کیا کرتے تھے۔ ^{( [3] )}  

تُو عطا حِلْم کی بھیک کر دے                                                                              میرے اخلاق بھی ٹھیک کر دے

تجھ کو فاروق کا واسطہ ہے                                                                                      یاخُدا ! تجھ سے میری دُعا ہے ^{( [4] )}

حضرت ابراہیم عَلَیْہِ السَّلام اَوَّاہ  ہیں

پیارے اسلامی بھائیو ! حضرت ابراہیم عَلَیْہِ السَّلام کا دوسرا وَصْف جو سورۂ ہُود کی