درخواست قبول فرما لی (  یعنی تیرے  پڑوس میں جو مومن دفن ہیں اُن سب کے حق میں تیری شفاعت قبول کر لی گئی۔ ) چنانچہ مکہ مکرمہ میں جتنے مومن دفن ہیں ، اُن سب کو اٹھایا جائے گا ، اُن کے چہرے سفید چمکدار ہوں گے ، وہ سب احرام کی حالت میں کعبہ کے گرد جمع ہو جائیں گےاور ان سب کی زبان پر ایک ہی کلمہ ہو گا : لَبَّيْكَ اَللّٰھُمَّ لَبَّيْكَ  ( میں حاضر ہوں یااللہ ! میں حاضر ہوں ) ۔

اب فرشتے کعبہ شریف کو کہیں گے : اے کعبہ ! اب چل... ! !  اب تَو تیرا سوال پورا ہو چکا۔ کعبہ شریف کہے گا : میں نہیں چلوں گاجب تک میری درخواست قبول نہ ہو جائے۔ فضائے آسمانی سے ایک فرشتہ پکار کر کہے گا : اے کعبہ ! تو مانگ تجھے دیا جائے گا۔ کعبہ شریف کہے گا : اے اللہ پاک ! تیرے گناہ گار بندے جو دُور ، دُور سے غُبار آلُود ہو کر میرے پاس آئے ، انہوں نے اپنے اہل و عیال ، عزیز رشتہ داروں کوچھوڑا ، فرمانبرداری کی اور تیرے حکم پر عَمل کرتے ہوئے ، میری زیارت کے شوق میں آئے اور حج کیا ، اے رَبِّ کریم ! میں تجھ سے سوال کرتا ہوں کہ ان حاجیوں کے حق میں بھی میری شفاعت قبول فرما ، ان کو قیامت کی گھبراہٹ سے امن عطا فرما اور انہیں میرے گرد جمع فرما دے۔ اللہ پاک فرمائے گا : اے کعبہ ! میں نے ان کے حق میں بھی تیری شفاعت قبول کی۔ اب فرشتہ اعلان کرے گا : جس نے کعبہ کی زیارت کی تھی ، وہ دیگر لوگوں سےالگ ہو جائیں۔ یہ اعلان سُن کر اَہْلِ محشر میں سے وہ تمام لوگ جو کعبہ کی زیارت سے مشرف ہوئے ہوں گے ، جنہوں نےحج کی یا عمرے کی سَعادت حاصل کی ہوگی ، وہ سب کے سب الگ ہو کر کعبہ شریف کے گرد جمع ہو جائیں گے ، ان کے چہرے سفید ہوں گے اور جہنّم سے