اندازہ کیجئے ! جس رَبِّ کریم نے بِن مانگے ہمیں اتنا کچھ عطا فرمایا ہے ، جب ہم اس رَبِّ رحمٰن کے اَحْکام کے سامنے سر جھکائیں گے تو وہ مہربان رَبّ ہم پر کیسی کیسی نوازشات فرمائے گا۔

اُڑنے والی دیگ کا عجیب واقعہ

حضرت بِکر بن عبد اللہ رَحمۃُ اللہ عَلَیْہ  فرماتے ہیں : پہلے کے لوگوں میں ایک بادشاہ تھا ، جو غیر مسلم بھی تھا اور انتہائی ظالم بھی تھا ، اس دور کے جو اَہلِ ایمان تھے ، ان کے ساتھ بادشاہ کی جنگ ہوئی ، بادشاہ کو زبردست شکست کا سامنا ہوا ، اہل ایمان کو اللہ پاک نے فتح  عطا فرمائی ، اب اُس بادشاہ کو قید کر لیا گیا ، اب اُس بادشاہ کے متعلق مشاورت ہوئی کہ یہ بادشاہ انتہائی ظالم ہے ، اس نے لوگوں پر بہت ظُلم ڈھائے ہیں اور غیر مسلم بھی ہے ، اس کو سخت سے سخت سزا دی جائے۔مشورے کے بعد یہ طے پایا کہ آگ جلائی جائے ، اس پر ایک بڑی سے دیگ رکھ کر بادشاہ کو اس دیگ میں ڈال دیا جائے ، یوں بادشاہ  جھلس کر دردناک موت مر جائے گا۔

اس مشورے پر عمل کیا گیا ، آگ جلائی گئی ، آگ کے اوپر دیگ لٹکائی گئی اور بادشاہ کو اس میں ڈال دیا گیا ، آہستہ آہستہ دیگ گرم ہونا شروع ہوئی ، دیگ گرم ہوئی تو اس کی تَپش  سے بادشاہ کا جسم  جُھلسنے لگا ، اب  بادشاہ نے اپنے باطل معبودوں  کو  پکارناشرو ع کردیا ، بادشاہ ایک ایک کو پُکارتا گیا مگر کسی کی طرف سے جواب نہ آیا ، اُس کے جھوٹے خداؤں میں سے کوئی بھی اُسے بچا نہ پایا۔اب بادشاہ کے دل میں خیال آیا ، بادشاہ نے آسمان کی