سڑک کی اُونچی جانِب جارہی ہوتو’’اَللّٰہُ اَکْبَر‘‘اور سیڑھیوں یا ڈَھلوان سے اُترتے ہوئے سُبْحٰنَ اللہ کہئے * منزِل پر اُترتے وَقْت یہ پڑھئے : اَعُوْذُ بِکَلِمَاتِ اللّٰہِ التَّامَّاتِ مِنْ  شَرِّمَا خَلَق ط ترجَمہ : میں اللہ کریم کے کامِل کلمات کےواسطے سے ساری مخلوق کے شَر سے پناہ مانگتا ہوں۔اِنْ شَآءَ اللہ ہر نقصان سے بچے گا۔ ( الحِصنُ الحَصین ، ص۸۲ )  * دورانِ سفر بھی نَماز میں ہرگزکوتاہی نہ ہو ، * راستے میں بس خراب ہوجائے تو ڈرائیور یا مالِکان بس وغیرہ کو کوسنے اور بَک بَک کرکے اپنی آخِرت داؤپر لگانے کے بجائے صَبرسے کام لیجئے اورجنَّت کی طلب میں ذِکر و دُرُود میں مشغول ہوجائیے * بھیڑ کے موقع پر کسی ضعیف ( کمزور ) یا مریض کو دیکھیں تو بہ نِیَّتِ ثواب اُس کو بس وغیرہ میں بَاِصرار اپنی نِشَست پیش کردیجئے۔  ( احیاء العلوم ، کتاب الصبروالشکر ، الرکن الاول فی نفس الشکر ، بیان فضیلۃ الشکر ، ۴ / ۱۰۳۔ملخصاً )

صَلُّوْا عَلَی الْحَبِیْب !                                                 صَلَّی اللہ عَلٰی مُحَمَّد

 * آبِ زم زم پیتے وقت  کی دُعا

دعوتِ اسلامی کے ہفتہ وار سُنّتوں بھرے اجتماع کے شیڈول کےمطابِق ”  آبِ زم زم پیتے وقت کی دعا “ یادکروائی جائےگی۔وہ دُعایہ ہے :

اَللّٰھُمَّ اَسْئَلُکَ عِلْمًا نَّافِعًا وَّرِزْقًا وَّاسِعًا وَّشِفَاءً مِّنْ کُلِّ دَاءٍ ۔  ( المستدرک للحاکم ،  ۲ / ۱۳۲ ، حدیث : ۱۷۸۲ )

ترجمہ : اے اللہ ! میں تجھ سے علمِ نافع کا اور رزق کی کشادگی کا اور ہر بیماری سے شفایابی کا سوال کرتا ہوں۔  ( مدنی پنج سورہ ، ص 214 )