داخلوي ^([1])  

اے عاشقانِ رَسُول! د ښو ښو نيتونو سره د عمل ثواب زياتيږي راځئ چې د بيان اوريدلو نه مخكښې څه ښه ښه نِيَّتونه اوكړو: مَثَلاً نِيَّت اوکړئ چې * د الله پاک د رضا د پاره به ټول بيان اورم * د عِلمِ دِين د تعظيم [يعني ادب] په نِيَّت به په ادب كښينم * ښه په توجه به بيان اورم * څه چې اورم، د هغې به د يادولو، پخپله پرې د عمل کولو او نورو ته د رسولو کوشش کووم. 

صَلُّوا عَلَی الْحَبِیب!                صَلَّی اللهُ علٰی مُحَمَّد

د حاجيانو د پاره د بخښنې زيرے

حَجَّةُ الوِدَاع (يعنې خوږ آقا، مکي مدني مصطفٰے صَلَّى اللهُ عَلَيْهِ وَاٰلِهٖ وَسَلَّم چې په ظاهري ژوند مبارک کښې کوم آخري حج ادا کړو، د هغه حج) موقع وه، باعثِ رحمت، مالکِ جنت صَلَّى اللهُ عَلَيْهِ وَاٰلِهٖ وَسَلَّم په ميدانِ عرفات کښې تشريف فرما وو، صحابئ رسول حضرت عباس بن مِرداس رَضِىَ اللهُ عَـنْهُ فرمائي: د الله پاک آخري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم د شپې دُعا اوکړه (دا دُعا د چا د پاره وه او څه وه؟ فرمائي:) لِاُمَّتِہٖ بِالْمَغْفِرَۃِ وَ الرَّحْمَۃِ يعنې د دې دعائے مصطفٰے صَلَّى اللهُ عَلَيْهِ وَاٰلِهٖ وَسَلَّم موضوع د هغوئي صَلَّى اللهُ  عَلَيْهِ وَاٰلِهٖ وَسَلَّم خوږ اُمت وو او هغوئي صَلَّى اللهُ عَلَيْهِ وَاٰلِهٖ وَسَلَّم د الله پاک نه د اُمت د بخښنې او رحمت سوال کولو. ^([2])

 په يو روايت کښې دي: فَاَکْثَرَ الدُّعَاءَ ^([3]) يعنې رسولِ رحمت، شفيعِ اُمَّت صَلَّى اللهُ عَلَيْهِ وَاٰلِهٖ وَسَلَّم