تُو زندہ ہے وَاللہ! تُو زندہ ہے وَاللہ!                                                              مرے  چشمِ  عالم  سے  چھپ  جانے  والے^([1])

والِدِين کريمين ئې ژوندي کړل او کلمه ئې ورته اووئيله

خوږو او محترمو اسلامي وروڼو! د حَجَّةُ الوِدَاع په موقع باندې ډيره ايمان تازه کوونکې واقعه اوشوه، ډيرو محدثينو، علماو او اوليائے کرامو رَحْمَةُ اللهِ عَلَيْهم دا واقعه ذِکر کړې هم ده او صحيح ئې هم منلې ده. هغه واقعه څه ده؟ راځئ! چې واورو: د مسلمانانو خوږه مور جانه حضرت عائشه صديقه رَضِىَ اللهُ عَـنْها فرمائي: د حَجَّةُ الوِدَاع په موقع باندې رسولُ الله صَلَّى اللهُ عَلَيْهِ وَاٰلِهٖ وَسَلَّم په يو ځائے باندې تيريدلو، زه هم ورسره ووم، سرکارِ عالي وقار، مکي مدني تاجدار صَلَّى اللهُ عَلَيْهِ  وَاٰلِهٖ وَسَلَّم هغه وخت د سخت غم په حالت کښې وو او اوښکې ئې توئيولې، هغوئي صَلَّى اللهُ عَلَيْهِ وَاٰلِهٖ وَسَلَّم چې مې په ژړا اوليدلو نو زه هم په ژړا شوم، بيا هغوئي صَلَّى اللهُ عَلَيْهِ وَاٰلِهٖ وَسَلَّم د سورلئ نه راکوز شولو او يو اړخ ته ئې تشريف يوړلو او ما ته ئې اوفرمائيل: حُميرا! هُم دلته حصاره شه. ما اوښ ته ډډه اووهله او کښيناستم، حضورِ اقدس صَلَّى اللهُ عَلَيْهِ وَاٰلِهٖ وَسَلَّم کافي وخت پس خوشحاله خوشحاله په مُسکا مُسکا تشريف راوړلو. ما عرض اوکړو: يَا رسولَ الله صَلَّى اللهُ عَلَيْهِ وَاٰلِهٖ وَسَلَّم ! زما مور پلار په تاسو قربان...!! د تللو په وخت تاسو ډير غمژن وئ، واپس مو په خوشحالئ خوشحالئ تشريف راوړلو، د دې څه وجه ده؟ اوئې فرمائيل: زه د خپلې مور (حضرت آمنه رَضِىَ اللهُ عَـنْها) مزار ته تلے ووم، ما دُعا اوکړه نو الله پاک زما مور ژوندئ کړه، هغې په ما باندې ايمان راوړلو او بيا ئې مزار ته تشريف يوړلو. ^([2])