مصطفٰے صَلَّى اللهُ عَلَيْهِ وَاٰلِهٖ وَسَلَّم 3 الوداعي خطبے هم ارشاد اوفرمائيلې. يوه خطبه ئې په ميدانِ عرفات کښې او 2 ئې په مِنیٰ شريف کښې اوفرمائيلې. په دې خطبو کښې هغوئي صَلَّى اللهُ عَلَيْهِ وَاٰلِهٖ وَسَلَّم د اسلامي تعليماتو خلاصه بيان کړه او د صحابۀ کرامو عَليهمُ الرّضوَان په ذريعه ئې ټول اُمت ته نصيحتونه ارشاد اوفرمائيل. ډيرې ايمان تازه کوونکې خطبے دي. راځئ چې د دې خطبو نه د خوږ آقا، رسولِ خُدا صَلَّى اللهُ عَلَيْهِ وَاٰلِهٖ وَسَلَّم صرف يو نصيحت واورو:

د مسلمان عزت کوئ...!

د حَجَّةُ الوِدَاع موقع وه، د الله پاک آخري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم په مِنیٰ شریف کښې خطبه ارشاد اوفرمائيله، په دې خطبه کښې هغوئي صَلَّى اللهُ عَلَيْهِ وَاٰلِهٖ وَسَلَّم صحابۀ کرامو عَليهمُ الرّضوَان ته اوفرمائيل: اَیُّ شَہْرٍ ہٰذَا؟ دا کومه مياشت ده؟ (بالکل واضحه خبره وه، د حج موقع وه او حج په ذُوالحِجَّةُ الحرام کښې ادا کيږي خو د صحابه کرامو عَليهمُ الرّضوَان ادب ته اوګورئ! ) د صحابۀ کرامو عَليهمُ الرّضوَان ګمان شو چې کيدے شي حضور صَلَّى اللهُ عَلَيْهِ وَاٰلِهٖ وَسَلَّم د دې مياشتې نوم بدلول غواړي، ځکه ئې عرض اوکړو: اللہ وَرَسُوْلُہٗ اَعْلَم الله پاک او د هغه رسول صَلَّى اللهُ عَلَيْهِ وَاٰلِهٖ وَسَلَّم ښه پوهيږي. خوږ آقا، مکي مدني مصطفٰے صَلَّى اللهُ عَلَيْهِ وَاٰلِهٖ وَسَلَّم اوفرمائيل: اَلَیْسَ ذُوالْحِجَّۃِ؟ آيا دا د ذُوالحج مياشت نه ده؟ صحابۀ کرامو عَليهمُ الرّضوَان عرض اوکړو: ولې نه (يعنې آو جي! هم د ذُوالحج مياشت ده). رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم دويمه پوښتنه اوکړه: اَیُّ بَلَدٍ ہٰذَا؟ دا کوم يو ښار دے؟ (دا هم بالکل واضحه خبره وه، حج هم په مکه کښې ادا کيږي خو صحابۀ کرامو عَليهمُ الرّضوَان په دې ځل هم د ادب کولو سره) عرض اوکړو: اللہ وَرَسُوْلُہٗ اَعْلَمُ الله پاک او د هغه رسول صَلَّى اللهُ  عَلَيْهِ وَاٰلِهٖ وَسَلَّم ښه پوهيږي. خوږ نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم اوفرمائيل: اَلَیْسَ الْبَلَدَۃَ؟  آيا دا بَلَدَه