Book Name:Hajj e Wida Ke Iman Afroz Waqiaat
هجرت نه پس هغوئي صَلَّى اللهُ عَلَيْهِ وَاٰلِهٖ وَسَلَّم يو حج ادا کړے وو. ([1])
د حج فرض کيدو حکم د هجرت په نهم کال نازل شو، په دغه کال باندې هغوئي صَلَّى اللهُ عَلَيْهِ وَاٰلِهٖ وَسَلَّم د څه حِکمتونو په وجه پخپله حج اونکړو بلکه د خپل نائب په طور ئې حضرت ابوبکر صديق رَضِىَ اللهُ عَـنْهُ د حج امير جوړ کړو. ([2]) په دې کښې اشاره وه چې د هغوئي صَلَّى اللهُ عَلَيْهِ وَاٰلِهٖ وَسَلَّم نه پس به وړومبے خليفه حضرت ابوبکر صديق رَضِىَ اللهُ عَـنْهُ وي. د دې نه پس راروان کال هغوئي صَلَّى اللهُ عَلَيْهِ وَاٰلِهٖ وَسَلَّم پخپله هم حج ادا کړو.
د حَجَّةُ الوِدَاع مختصر شان بيان
دا د هجرت لسم کال وو، په مدينۀ پاک او لرې او نزدې قبائيلو کښې دا اعلان اوکړے شو چې په دې کال به کوم خوش قسمته خلق د حج سعادت حاصلولو د پاره مکے مکرمې ته ځي، د هغه حاجيانو د قافلے مشر به د دواړو جهانونو مالک او مختار، مکي مدني تاجدار صَلَّى اللهُ عَلَيْهِ وَاٰلِهٖ وَسَلَّم وي.
الله! الله! د مکے مکرمې سفر، هغه هم د رسولِ رحمت، شفيع اُمت صَلَّى اللهُ عَلَيْهِ وَاٰلِهٖ وَسَلَّم سره...!! د کعبے د طوافِ سعادتونه، د عشق او محبت نه ډک عبادت يعنې د حج ادائيګي هغه هم د محبوبِ خُدا، سرورِ انبيا صَلَّى اللهُ عَلَيْهِ وَاٰلِهٖ وَسَلَّم په راهنمائيئ کښې...!! واه سُبْحٰنَ اللہ!
د دې ايمان تازه کوونکي خبر اوريدو سره صحابۀ کرام عَليهمُ الرّضوَان ډير خوشحاله شول، چا چې هم واوريدل، په خپله خوش قسمتئ باندې د ناز کولو او د دې سفر د