تربيت دے چې هغوئي د انبيائے کرامو عليهمُ الصّلاۃُ وَ السّلام  دپاره د ادب په طور د ګڅ يعنې اُلټا لفظ نه استعمالوي، بلکه د زړه طرف ورته وائي، سُبْحٰنَ الله]

موئے مبارک ئې ولې تقسيم کړل...؟

علّامه زُرقاني رَحْمَةُ اللهِ عَلَيْه فرمائي: رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم خپل موئے مبارک په صحابۀ کرامو عَليهمُ الرّضوَان باندې ځکه تقسيم کړل چې دا د هغوئي سره د برکت په طور پاتې شي او د دې نه لکه چې د الله پاک آخري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم د وصال د وخت رانزدې کيدو په لور هم اشاره اوفرمائيله. ^([1])

د تبرک ترغيب

خوږو او مُحترمو اسلامي وروڼـو! سرورِ عالَم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم موئے مبارک تقسيم کړل، د دې نه معلومه شوه چې زمونږه خوږ آقا و مولا، مُحَمَّدِ مصطفٰے صَلَّى اللهُ عَلَيْهِ وَاٰلِهٖ وَسَلَّم پخپله هم دا خبره خوښوله چې اُمَّت د خپل محبوب نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم مبارک يادګارونه ځان سره سنبال کړي او د دې نه برکتونه حاصلوي، ځکه ئې په صحابۀ کرامو عَليهمُ الرّضوَان باندې د برکت او يادګار په طور خپل موئے مبارک تقسيم کړل.

اَلْحَمْدُ لِلّٰہ! صحابۀ کرامو عَليهمُ الرّضوَان د دې تبرکاتِ مصطفٰے صَلَّى اللهُ عَلَيْهِ وَاٰلِهٖ وَسَلَّم ښه قدر اوکړو، دا ئې سنبال کړل او په ادب او حفاظت سره ئې اوساتل او د دې نه به ئې برکت حاصلولو، بيا د هغوئي نه هغه موئے مبارک وروستو راتلونکو ته منتقل شول او بيا دغه موئے مبارک د يوې پيړئ نه بلې پيړئ ته منتقل کيدل تر دې چې اَلْحَمْدُ لِلّٰہ! نن هم د ډيرو عاشقانِ رسول سره محفوظ دي.