ياد ساتئ! د مرګ نه پس بيرته په دې دنيا کښې ژوندي کيدل ناممکن نه دي، دا بالکل کيدے شي بلکه شوي هم دي، په قرآنِ کريم کښې داسې څومره واقعات موجود دي * د قرآنِ کريم دويم او د ټولو نه غټ سورت سورۀ بقره کښې په په وړومبئ سيپاره کښې يوه واقعه موجوده ده، په دغه واقعه کښې هم دا خبره بيان شوې ده چې د بني اسرائيلو يو کَس قتل کړے شوے وو، د هغه د قاتل پته نه لګيده، حضرت موسیٰ عَلَیْهِ السَّلَام  له مقدمه راوړے شوه، بني اسرائيلو ته د يوې غوا ذبح کولو حکم اوشو، کله چې هغوئي يوه خاص قسم غوا ذبح کړه او د هٰغې غوا د غوښې يوه ټوټه ئې د مړي د بدن سره اولګوله، د هغې په برکت سره هغه مړے ژوندے شو او هغه د خپل قاتل نوم هم اوښودو. * دغه شان په دويمه سيپاره کښې د بني اسرائيلو د زرګاؤ کَسانو د مړه کيدو نه پس د بيا ژوندي کيدو واقعه موجود ده * بلکه د الله پاک د نبي حضرت عيسیٰ عَلَیْهِ السَّلَام  مشهوره معجزه ده چې هغوئي به مَړي ژوندي کول. چې د حضرت عيسیٰ عَلَیْهِ السَّلَام  دا شان دے چې د الله پاک په عطا سره مړي ژوندي کولے شي نو د محبوبِ خُدا، امامُ الانبيا صَلَّى اللهُ عَلَيْهِ وَاٰلِهٖ وَسَلَّم به څنګه شان وي...؟ د هغوئي په دُعا باندې د هغوئي د والدينو ژوندي کيدل کومه د عقل نه خلاف خبره ده. غرض: بے شکه د الله پاک په عطا سره محبوبِ رحمان، مکي مدني سلطان صَلَّى اللهُ عَلَيْهِ وَاٰلِهٖ وَسَلَّم خپل والدينِ کريمين ژوندي کړل او هغوئي ته ئې کلمه هم اووئيله.

والدينِ کريمين ئې صحابيان جوړ کړل

کيدے شي چې د چا په زړه کښې دا خيال هُم راځي چې خوږ آقا، مکي مدني مصطفٰے صَلَّى اللهُ عَلَيْهِ وَاٰلِهٖ وَسَلَّم خپل والدين ژوندي کړل او کلمه ئې ورته اووئيله نو د دې