د حَجَّةُ الوداع ايمان تازه کوونکي واقعات

لَبَّیْک اَللّٰہُمَّ لَبَّیْک ، لَبَّیْکَ لَاشَرِیْکَ لَکَ لَبَّیْک، اِنَّ الْحَمْدَ وَالنِّعْمَۃَ لَکَ

وَالْمُلْکُ لَا شَرِیْکَ لَک

سُبْحٰنَ اللہ! د الله پاک په بارګاه کښې به چې کله د هغه د ټولو نه محبوب ترينې هستئ، مکي مدني، مُحَمَّدِ عربي صَلَّى اللهُ عَلَيْهِ وَاٰلِهٖ وَسَلَّم په خپله مبارکه ژبه باندې تَلبِيَه لوستلې وي نو د هغې د اوريدو سره به غرونه هم په وَجد کښې راغلي وي، هواګانې او فضاګانې به هُم خوشبودارې شوې وي.

گزرے ہو جس جگہ سے، اب بھی مہک رہی ہے

تیرا جو کارواں ہے، خوشبو کا کارواں ہے

په زرګاؤ صحابۀ کرامو عَليهمُ الرّضوَان چې کله د رسولِ رحمت، شفيعِ اُمت صَلَّى اللهُ عَلَيْهِ وَاٰلِهٖ وَسَلَّم د تَلبِيَه آواز واوريدلو نو هغوئي هم په اوچت آواز تَلبِيَه اولوستله، دغسې په ټوله دَرَه کښې د لَبَّیْک اَللّٰہُمَّ لَبَّیْک نعرے اوچتې شوې.

بيا د حاجيانو دا ځانګړې قافله د خپلې قافلے د سالار، مکي مدني تاجدار صَلَّى اللهُ عَلَيْهِ وَاٰلِهٖ وَسَلَّم په راهنمائيئ کښې په درميانه مَزَل روانه وه، چرته به اودريدل، لـمونځونه به ئې ادا کول او د مکے مکرمې په لور روان وو، ډير هغه صحابۀ کرام عَليهمُ الرّضوَان کوم چې مدينے منورے ته نه وو حاضر شوي، هغوئي په لار کښې شامليدل، آخر په 4 ذُوالحج، د ګُل په ورځ مکے مکرمې ته نزدې ذِي طُویٰ دَرې ته اورسيدل، دا شپه ئې دلته تيره کړه، په بَله ورځ د سحر لـمونځ دلته ادا کړے شو، بيا خوږ آقا، مکي مدني مصطفٰے صَلَّى اللهُ عَلَيْهِ وَاٰلِهٖ وَسَلَّم د مکۀ پاک په احترام کښې غسل اوکړو او د ثَنِیَّۃُ الْعُلْیا يعنې د حَجُون نومې اديرے [قبرستان] له اړخه مکے مکرمې ته داخل شولو.

Important

Mobile Apps

Contact Us