پیارے پیارے اسلامی بھائیو ! قرآنِ کریم کی مختلف سُورتوں کے فَضائل اور مزید معلومات  جاننےکیلئے شیخِ طریقت  ، امیرِاَہلسُنَّت  حضرت علامہ مولانا محمدالیاس عطار قادری دَامَتْ بَـرَکاتُہُمُ الْعَالِیَہ  کی  بہت ہی پیاری کتاب’’مدنی پنج سُورہ‘‘مکتبۃ المدینہ سے ھدیۃً  حاصل  فرماکر مُطالَعہ کرلیجئے۔ اس کتاب کا ہرگھر میں ہونا ضروری ہے ۔اَلْحَمْدُلِلّٰہ اس کتاب میں مشہور قُرآنی سُورتوں  ، دُرُودوں  اور رُوحانی علاجوں کے ساتھ ساتھ بے شُمار خُوشبودار مدنی پُھول اپنی خُوشبوئیں لُٹارہے ہیں۔دعوتِ اسلامی کی ویب سائٹ www.dawateislami.net سے اس کتاب کو رِیڈ ( یعنی پڑھا ) بھی جا سکتا ہے ، ڈاؤن لوڈ بھی کیا جا سکتا ہے اور پرنٹ آؤٹ بھی کیا جا سکتا ہے۔

دُرُست تَلفُّظ کے ساتھ قرآنِ پاک سیکھئے ! 

 پیارے پیارے اسلامی  بھائیو ! یادرکھئے  ! قرآنِ کریم کی تِلاوت کرنے والے پر اللہ  پاک کی  رحمتوں کی بارش بھی اسی وَقْت ہوگی جبکہ وہ صحیح معنوں میں قرآنِ کریم پڑھنا جانتا ہوگا۔ ہمارے مُعاشرے میں لوگ جدید دُنیوی تعلیم حاصل کرنے ، اِنگلش لینگویج  ، کمپیوٹر اور مختلف کورسز کیلئے تو ان سے مُتَعَلِّق اِداروں میں بھاری فیسیں جمع کروانے سے نہیں کَتراتے ، مگر افسوس صَدکروڑ افسوس ! علمِ دین سے دُوری کے باعث دُرُسْت اَدائیگی کے ساتھ فِیْ سَبِیْلِ اللہ  قرآنِ پاک  پڑھنے کی فُرصت تک نہیں ۔ یادرکھئے  ! جو لوگ صحیح مَخارج کے ساتھ  قرآنِ پاک پڑھنا نہیں جانتے ، وہ ثواب کمانے کے  بجائے  گُناہ کے مُرتکب ٹھہرتے ہیں ۔

حضرت  انس بن مالک رَضِیَ اللہ  عَنْہُ  فرماتے ہیں : بہت سے قرآن پڑھنے والے ایسے ہیں کہ (  غلط پڑھنے کی وجہ سے )  قرآن ان پر لَعْنت کرتا ہے ۔ ( احیاء العلوم  ، ج۱ ، ص۳۶۴ )   

                   میرے آقااعلیٰ حضرت امام احمد رَضا خان رَحْمَۃُ اللہ عَلَیْہِ فرماتے ہیں :  ” اتنی تجوید  ( سیکھنا ) کہ ہر حَرف