تو اس سے اُٹھ جاؤ۔    ( بخاری ، کتاب فضائل القرآن ، باب اقرؤالقرآن...الخ ، الحدیث : ۵۰۶۰ ، ج٣ ، ص۴۱۹ )

 پیارے پیارے اسلامی بھائیو ! تلاوتِ قرآن کے مزید آداب سیکھنے کے لئے امیرِ اہلسنّت کا رسالہ  ” تلاوت کی فضیلت “  کا مطالعہ فرمائیے۔

صَلُّوْا عَلَی الْحَبِیْب !                                             صَلَّی اللہ  عَلٰی مُحَمَّد

مسواک کی سُنّتیں اور آداب

پیارے پیارے اسلامی بھائیو ! آئیے ! شیخِ طریقت ، امیرِاہلسنَّت دَامَتْ بَـرَکاتُہُمُ الْعَالِیَہ کے رسالے ’’163 مَدنی پُھول‘‘سےمسواک کی سنّتیں اور آداب سنتے ہیں ۔ پہلےدو فرامینِ مصطَفٰے صَلَّی اللّٰہُ عَلَیْہِ وَاٰلِہٖ وَسَلَّمَ مُلاحَظہ ہوں :  * دو رَکْعَت مِسواک کر کے پڑھنا بغیرمِسواک کی ستّر  ( 70 ) رَکعتوں سے اَفْضل ہے۔ ^{( [1] )}   * مسواک کا اِستعمال اپنے لئے لازِم کر لو کیونکہ اِس میں مُنہ کی صفائی اور ( یہ ) اللہ پاک  کی رِضا کا سبب ہے۔ ^{( [2] )}   * حضرت ابنِ عبّاس  رَضِیَ اللّٰہُ عَنْہُمَا سے روایت ہے کہ مِسواک میں دس خُوبیاں ہیں :  ( چند یہ ہیں  ) مُنہ صاف کرتی ، مَسُوڑھے کو مضبوط بناتی ہے ، بینائی بڑھاتی  ، بلغم دُور کرتی ہے ، مُنہ کی بدبو ختم کرتی ، سُنَّت کے مُوافِق ہے  ، فرشتے خُوش ہوتے ہیں ، رَبّ کریم راضی ہوتا ہے۔

صَلُّوْا عَلَی الْحَبِیْب !                                             صَلَّی اللہ  عَلٰی مُحَمَّدٍ

( اعلان  : )

                             مسواک کی  بقیہ سنتیں اور آداب  تربیتی حلقوں میں بیان کئے جائیں گے ، لہٰذا اِن کو جا ننے کیلئے تربیتی حلقوں میں ضرور  شرکت  کیجئے ۔