پیارے اسلامی  بھائیو !  یاد رکھئے ! تلاوتِ قرآن سب سے بہتر عبادت ہے ، نبیِ کریم صَلَّی اللہ  عَلَیْہِ واٰلِہٖ وَسَلَّمَ نے فرمایا ’’ اَفْضَلُ عِبَادَۃِ اُمَّتِیْ قِراءَۃُ الْقُرْاٰنِ یعنی میری اُمَّت کی افضل عبادت تلاوتِ قرآن ہے۔‘‘ ( شعب الایمان ، ۲/۳۵۴ ، رقم۲۰۲۲ ) لہٰذا اس کی تلاوت سے جی نہیں چُرانا چاہیے ، یقیناً عقلمند وہی ہے کہ جو اس دُنیا میں رہ کر زِیادہ سے زِیادہ نیکیاں سمیٹنے میں مشغول ہوجائے ، لہٰذا نِیَّت فرمالیجئے کہ آئندہ پابندی کے ساتھ قرآنِ کریم کی تلاوت کیا کریں گے اور کبھی بھی  ناغہ نہیں کریں گے ، اِنْ شَآءَ اللہ

 پیارے پیارے اسلامی  بھائیو !  تعلیمِ قرآں کو عام کرنے کی صرف خواہش ہی کافی نہیں  بلکہ عملی طور پر قرآنِ کریم کی تعلیمات کو عام کرنے کی کوشش بھی کرنی ہے ، دعوتِ اسلامی ، قرآنِ کریم کی تعلیمات عام کر رہی ہے ، الحمد للہ امیرِ اہلسنّت کی تربیت کی برکت سے دعوتِ اسلامی ، قرآنِ پاک حفظ و ناظرہ کی تعلیمات ملک بہ ملک ، شہر بہ شہر ، گاؤں بہ گاؤں ، ہر ہر گلی محلے میں پہنچانے کے لئے کوشاں ہے ، آپ بھی ان کوششوں میں دعوتِ اسلامی کی  مدد کریں۔

صَلُّوْا عَلَی الْحَبِیْب !                                             صَلَّی اللہ  عَلٰی مُحَمَّد

 قرآن بہترین دَوا ہے

     پیارے پیارے اسلامی بھائیو ! صُبح وشام  قرآنِ پاک کی تلاوت  کرنے والے کوجہاں  کثیر واَجرو ثواب ملتاہے وہیں  اس کی برکت سے  ظاہری وباطنی بیماریوں سے شفابھی  نصیب ہوتی ہے۔ ایک شخص نےنبیِ کریم صَلَّی اللہ  عَلَیْہِ واٰلِہٖ وَسَلَّمَ کی بارگاہ میں حَلْق میں دَرْد کی شکایت کی تو آپ نے اِرْشاد فرمایا :  قرآن پڑھنااختیار کرو۔ ( شعب الایمان ، ۲/۵۱۹ ، حدیث  : ۲۵۸۰ ) ایک شخص نے حاضر ہوکر عرض کی :  میرے سینےمیں تکلیف ہے۔ارشادفرمایا : قرآن پڑھو ، اللہپاک فرماتا ہے :  وَشِفَآءٌ  لِّمَافِی الصُّدُوْرِ  ( تَرْجَمَۂ کنز الایمان : اوردلوں کی صحت ) ۔  ( الدرالمنثور ، ۴/۳۶۶ )   ( پارہ١١ ، یونس : ٥٧ )  بلکہ قرآن ِ کریم تو مختلف بیماریوں