کی بہترین دَوابھی ہے۔جیساکہ فرمانِ مُصطفٰے صَلَّی اللہ  عَلَیْہِ واٰلِہٖ وَسَلَّمَ ہے : خَیْرُالدَّوَاءِ اَلْقُرْاٰنُ یعنی بہترین دَوا قرآنِ  کریم ہے۔ ( سنن ابن ماجہ ، ٤/۱۱۶۔١١۷ ، حدیث : ٣٥٠١ )

   حضرت علامہ عبدالرء وف مناوی رَحْمَۃُ اللہ  عَلَیْہ  اِس حدیثِ پاک کے تحت لکھتے ہیں : یعنی بہترین تعویذوہ ہے ، جوکسی قرآنی آیت کے ذَریعے سے کیا جائے ، اِرْشادِ باری تعالیٰ ہے :

وَ نُنَزِّلُ مِنَ الْقُرْاٰنِ مَا هُوَ شِفَآءٌ وَّ رَحْمَةٌ لِّلْمُؤْمِنِیْنَۙ                                                                    ( پارہ۱۵ ، بنی اسرائیل : ۸۲ )

تَرْجَمَۂ کنز العرفان  : اورہم قرآن میں وہ چیز اُتارتے ہیں جو ایمان والوں کے لئے شفا اور رَحمت ہے۔

توقرآنِ مجید دل ، بدن اور رُوْح سب کے لیے دَوا ہے ۔ جب بعض کلاموں کی بھی خاصیتیں اور فوائد ہوتے ہیں ، توپھررَبُّ الْعالمین  کے کلام کے بارے میں آپ کاکیا خیال ہے ، جس کی فضیلت دیگر کلاموں پر ایسی ہے ، جیسیاللہ پاک کی اس کی مخلوق پر۔قرآنِ پاک میں کچھ ایسی آیات ہیں جو خاص اَمراض اور مَصائب کے خاتمے کے لیے ہیں  ، ان آیات کی مَعْرِ فت خاص لوگوں کو ہوتی ہے۔ ( فیض القدیر ، ٣/٦٢٨ )

 پیارے پیارے اسلامی بھائیو !  پُورا قرآنِ کریم ہی بیماریوں  کیلئے شِفا اور مَصائب وتکالیف میں مُشْکل کُشا ہے اور قرآنِ پاک کی ہر سُورت کی اپنی ہی فضیلت اور شان ہے جو جان ومال کی حِفاظَت کرنے ، رَنْج وغم  مِٹاکردل میں فَرحت ومَسرت داخل کرنےاور مَرض سے نَجات دِلانے کیلئے  کافی  ہے۔ چُنانچہ مکتبۃ ُالمدینہ کی  کتاب’’جنَّتی زیور‘‘سے قرآنِ پاک کی چند  سُورتوں کے مُخْتَصرفَضائل سُنتے ہیں ۔سُوۡرَۃُ الْفاتِحَہ 100مرتبہ پڑھ کر جو دُعا مانگی جائے ، قَبول ہوتی ہے ، سُوْرَۃُ الْبَقَرہکی تلاوت سے شیطان گھر سے بھاگ جاتا ہے ، آیَۃُ الْکُرسی پڑھنے سے مُحتاجی دُور ہوتی ہے ، سُوْرَۃُ الْکَہْف کو ہمیشہ پڑھنے والا دَجّال کے فِتنوں سے محفوظ رہے گا ، والدین کی قَبْر پر ہر جُمعہ سُورۂ یٰسٓ  کی تِلاوت کرنے سے  اس کے حُروف کی تعداد کے برابر ان کے گُناہ بخش دئیے جاتے ہیں۔ سُوْرَۃُ الدُّخَان پڑھنے سے مُشکل