یعنی اللہ کریم کی خاطر آپس میں محبت رکھنے والے جب باہم ملیں اور مصافحہ کریں اور نبیِ پاک صَلَّی اللہُ عَلَیْہِ واٰلہٖ وَسَلَّمَ پر دُرودِ پاک بھیجیں تو ان کے جدا ہونے سے پہلے دونوں کے اگلے پچھلے گناہ بخش دئیے جاتے ہیں۔

                                                                                                                                                                                                                                                                               (مسند ابی یعلیٰ ، مسند انس بن مالک ، ۳ / ۹۵ ، حدیث : ۲۹۵۱)

صَلُّوْا عَلَی الْحَبِیْب!                                            صَلَّی اللہُ عَلٰی مُحَمَّد

فرمانِ مصطفےٰ صَلّی اللہُ عَلَیْہ وآلِہ وسَلَّم : اَفْضَلُ الْعَمَلِ اَلنِّيَّۃُ الصَّادِقَۃُ سچی نیت سب سے افضل عمل ہے۔ ⁽[1]⁾ اے عاشقانِ رسول! ہر کام سے پہلے اچھی اچھی نیتیں کرنے کی عادت بنائیے کہ اچھی نیت بندے کو جنت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے! مثلاً نیت کیجئے! * عِلْم سیکھنے کے لئے پورا بیان سُنوں گا  *  با اَدب بیٹھوں گا * دورانِ بیان سُستی سے بچوں گا  * اپنی اِصْلاح کے لئے بیان سُنوں گا  * جو سُنوں گا دوسروں تک پہنچانے  کی کوشش کروں گا۔

صَلُّوْا عَلَی الْحَبِیْب!                                            صَلَّی اللہُ  عَلٰی مُحَمَّد

100 دِینار اور   2  فریبی شخص

ایک مرتبہ قبیلۂ قریش کی ایک عورت کے پاس دو  افراد آئے اور انہوں نے اُس عورت کے پاس بطورِ امانت 100 دِینار رکھوائے اور کہا کہ ہم  دونوں اکٹھے  لینے آئیں تو امانت واپس دینا ، ہم میں سے کوئی اکیلا آئے تو ہرگز نہیں دینا ، ایک سال گزر نے  کے بعد ایک شخص  آیا اور  اس عورت سے کہا :  میرا ساتھی فوت ہو گیا ہے ، وہ 100 دینار مجھے واپس دے دو۔ عورت نے انکار کرتے ہوئے کہا : تم دونوں نے شرط رکھی تھی کہ ہم دونوں اکھٹّے آئیں تو ہی امانت ادا  کرنا ، ہم میں سے کسی اکیلے شخص کو نہیں دینا ، لہٰذا تجھے نہیں دوں گی۔ اس شخص نے عورت کے متعلقین اور پڑوسیوں کو مجبور کیا کہ وہ عورت پر زور دے کر