Book Name:Na Mehram Se Meljol Ka Wabal
اور اپنی دنیا وآخرت کی بربادی کا سامان کرتے ہیں۔ چنانچہ حضرت امام محمد غزالی رَحْمَۃُ اللّٰہ ِ عَلَیْہ مِنْهَاجُ الْعَابِدِیْن میں فرماتے ہیں : حضرت عیسٰی عَلَیْہِ الصَّلٰوۃُ وَالسَّلَام سے منقول ہے کہ خود کو بدنِگاہی سے بچاؤ کیونکہ بدنِگاہی دل میں شہوت کا بِیج بَوتی ہے ، پھر شہوت بدنِگاہی کرنے والے کو فتنہ میں مبتلا کردیتی ہے۔ ([1])
پیارے پیارے اسلامی بھائیو!معلوم ہواکہ بدنگاہی انسان کو دنیاوآخرت میں کہیں کا نہیں چھوڑتی ، اس کی وجہ سے بندہ اللہ پاک کی نافرمانیوں میں بڑھتا جاتاہے ہر وقت اس کے دل و دماغ میں شیطان سمایا رہتا ہے ، عجب بےسکونی کا عالَم اس پر طاری رہتا ہے ، نَفْسانی خَواہشات و خیالات اس پر غالب رہتے ہیں ، نَفْس کی تسکین کے لیے وہ مزید ہلاکت خیز گُناہوں میں مبُتلا ہو جاتا ہے مثلاً بدکاری وغیرہ کے علاوہ اپنے ہاتھوں سے اپنی جوانی برباد کرنے سے بھی گُریز نہیں کرتا۔ بدنِگاہی کرنے والے کو اگر پتا چل جائے کہ کوئى غىر مرد اس کی ماں ، بہن ، بیوی یا بیٹی کو بری نظر سے دىکھ رہا ہے تو اس کی غىرت کو جوش آجاتاہے اور وہ آگ بگولا ہو کر دیکھنے والے کو کھری کھری سُناتا یا بعض اوقات مارپیٹ پربھی اُتر آتا ہے ، لیکن جب وہ خود بدنگاہی کرتاہے تو اس بات کو کیوں بھول جاتاہے کہ جسے وہ دىکھ رہا ہے وہ بھی تو کسى کى ماں ، کسی کی بہن یا کسی کی بیوی اور بیٹی ہے۔
پیارے پیارے اسلامی بھائیو!ہمیں خود بھی اپنی نگاہوں کی حفاظت کرنی چاہیے اور اپنے گھر کی عورتوں کوبھی اسلامی حکم کے مُطابق پردے کی تاکیدکرنی چاہیے ، عورتوں کیلئے پردہ بہت