جانے) کا خوف نہ ہو مرتے وقت اُس کا ایمان سَلب ہوجانے کا اندیشہ ہے۔ ^([1])

معلوم ہوا!ایمان کی حفاظت سے غفلت سراسر نقصان دہ ہے ، لہٰذا ہمیں ہر دم اللہ پاک کی خفیہ تدبیر سے ڈرتے ہوئے اسے راضی کرنے کی کوششیں جاری رکھنی چاہیے۔ آئیے!اللہ پاک کی خُفیہ تدبیر کے بارے میں ایک رِقّت انگیز واقعہ سُنتے ہیں :

ہر وقت خاتمہ با لخیر کی دُعا کا سبب

حضرت عبدُ اللہ مؤذن رَحْمَۃُ اللّٰہ ِ عَلَیْہ فرماتے ہیں : میں طواف ِ کعبہ میں مشغول تھا کہ میں نے ایک شخص کو دیکھا کہ وہ غلافِ کعبہ سے لپٹ کر ایک ہی دُعا کی تکرار کر رہا ہے : “ اےاللہپاک ! مجھے دنیا سے مسلمان رخصت کرنا “ میں نے اس سے پوچھا : اس کے علاوہ کوئی اور دعا کیوں نہیں مانگتے ؟ اس نے کہا : میرے دوبھائی تھے ۔ میرا بڑا بھائی ایک عرصہ تک مسجد میں بِلامعاوضہ(فی سَبِیْلِ اللہ) اَذان دیتا رہا ۔ جب اس کی موت کا وقت آیا تو اس نے قرآن ِپاک مانگا ، ہم نے اسے دیا تاکہ وہ اس سے برکتیں حاصل کرے ، مگر قرآن شریف ہاتھ میں لے کر وہ کہنے لگا : تم سب گواہ ہوجاؤ ، میں قرآن کے تمام اعتقادات واحکامات سے بیزاری (Displeasure)ظاہرکرتا ہوں ، اس نے باطل مذہب اختیار کرلیا  اور کفر کی حالت میں مر گیا۔ پھر دوسرے بھائی نے تیس (30)   برس تک مسجد میں فِیْ سَبِیْلِ اللہ اذان دی  مگر آخری وقت اس کا ایمان برباد ہوگیا۔ لہٰذا میں اپنے خاتمہ کے بارے میں بے حد فکر مند ہوں اور ہر وقت خاتمہ بالخیر کی دعا مانگتا رہتا ہوں۔ حضرت عبدُ اللہ مؤذن رَحْمَۃُ اللّٰہ ِ عَلَیْہ نے اس سے پوچھا : تمہارے دونوں بھائی آخر ایسا کون سا گناہ