بعض غیر مسلم پیدا ہوئے ، غیر مسلم زندہ رہے اور مومِن ہو کر مریں گے۔ ^([1])

اصل کامیابی کیا ہے؟

                             معلوم ہوا!اصل کامیابی صرف دُنیا میں مومن و مسلمان ہونا  ہی نہیں بلکہ اس کے ساتھ ساتھ مرتے وقت اپنا ایمان سلامت لے جانا اصل کامیابی ہے جیسا کہ ایک اور حدیثِ پاک میں اس بات کو واضح طور پر بیان کیا گیا۔ چنانچہ

فرمانِ مُصْطَفٰے  صَلَّی اللّٰہُ عَلَیْہِ واٰلِہٖ وَسَلَّمَ ہے : یُبْعَثُ کُلُّ عَبْدٍ عَلٰی مَا مَاتَ عَلَیْہِ یعنی ہر بندہ اس حالت پر اُٹھایا جائے گا جس پر مرے گا۔ ^([2])

                             مُفسّرِ قرآن حضرت مفتی احمد یار خان رَحْمَۃُ اللّٰہ ِ عَلَیْہ اِس حدیثِ پاک کے تحت لکھتے ہیں : یعنی اِعتبار خاتمہ کا ہے ، اگر کوئی کفر پر مرے توکفر پر ہی اُٹھے گا اگرچہ زندگی میں مومن رہا ہو ، اور اگر ایمان پر مرے تو ایمان پر اُٹھے گا  اگرچہ زندگی میں غیر مسلم رہا ہو۔ ^([3])

ایمان کے تحفظ کے لیے کیا کیا جائے؟

               پیارے اسلامی بھائیو!ہمیں چاہئے * ایمان کی نعمت ملنے پر اللہ پاک کا شکر ادا کرتے رہیں ، * زندگی بھر ایمان پر ثابت قدم رہنے کی دُعائیں مانگتے رہیں ، *