Meraj K Mojzaat 27 Rajab 1442

Al Quran Books Madani Channel

Magazine Courses Media

مِعْرَاج ، مصطفےٰ جانِ رَحْمَت ، شَمْعِ بَزْمِ ہِدَایَت صَلّی اللہُ عَلَیْہ وآلِہ وسَلَّم کاایک سَفَر ہے بلکہ قرآنِ کریم نے مکہ مکرمہ سے مَسْجِدِ اَقْصیٰ تک جانے کو سَیْر فرمایا ہے ، ارشاد ہوتا ہے :

سُبْحٰنَ الَّذِیْۤ اَسْرٰى بِعَبْدِهٖ لَیْلًا مِّنَ الْمَسْجِدِ الْحَرَامِ اِلَى الْمَسْجِدِ الْاَقْصَا (پارہ15 ، سورۃبنی اسرائیل : 1)

ترجمہ کنز الایمان : پاکی ہے اسے جو راتوں رات اپنے بندے کو لے گیا مسجدِ حرام(خانہ کعبہ) سے مسجدِ اقصا (بیت المقدس)تک

اس آیت میں لفظ “ اَسْرٰی “ استعمال ہوا جو “ سَیْر “ سے بنا ہے۔ اللہ اکبر! جب سَیْر کا عالَم یہ ہے تو تیز رَفتاری سے سَفَر کا عالَم کیا ہو گا؟ اعلیٰ حضرت رحمۃ اللہ علیہ فرماتے ہیں :

شانِ خدا! نہ ساتھ دے ، ان کے خرام کا وہ باز

سِدْرَہ سے تا زمیں جسے نَرْم سِی اِک اُڑان ہے

شعر کا مفہوم : نَرم نرم قدموں سے ، ناز وانداز سے چلنے کو خرام کہتے ہیں ، سیدی اعلیٰ حضرت فرما رہے ہیں : مِعْراج کی رات سرکارِ عالی وقار ، مدینے کے تاجدار صَلّی اللہُ عَلَیْہ وآلِہ وسَلَّم تَو خِرَام فرما رہے تھے ، نرم نرم قدموں سے ناز وانداز سے جیسے دُولہا چلا کرتا ہے ، ایسے چل رہے تھے مگر خُدا کی شان دیکھئے!اس کے باوُجُودوہ شہباز یعنی حضرت جبریل عَلَیْہِ السَّلام جو لمحہ بھر کی معمولی سی اُڑان میں سِدْرَہ سے زمین پر ، زمین سے سِدْرَہ پر پہنچ جاتے ہیں ، جن کی اپنی اُڑان ایسی کمال کی ہے ، وہ مصطفےٰ جانِ رَحْمت صَلّی اللہُ عَلَیْہ وآلِہ وسَلَّم کے خرامِ ناز کا ساتھ نہ دے سکے ، اگر حُضُور صَلّی اللہُ عَلَیْہ وآلِہ وسَلَّم اپنی نورانی و نَبوِی پرواز فرماتے تو پھر رفتار کا کیا عالَم ہوتا...؟

اللہ کی عنایت مرحبا معراج کی عظمت مرحبا

براق کی قسمت مرحبا براق کی سُرعَت مرحبا

Important

Mobile Apps

Contact Us