Book Name:Faizan e Rabi Ul Akhir
موجود ہے۔ (ایضاً ، ۸ / ۹۲)
صَلُّوْا عَلَی الْحَبِیْب! صَلَّی اللّٰہُ عَلٰی مُحَمّد
رَبیعُ الْآخِر کے مہینے کو رَبیعُ الْآخِر کہنے کی وجہ
پیارے پیارے اسلامی بھائیو!اسلامی سال کا چوتھا مبارَک مہینا رَبیعُ الْآخِر ہے۔ جب اسلامی مہینوں کے نام رکھے گئے تب رَبِیْعُ الْآخِر کا مہینا موسمِ بہار کے آخر میں پڑتا تھا ، لہٰذا اِسے رَبِیْعُ الْآخِر کانام دیا گیا۔
(غیاث اللغات ، باب رائے مہملہ ، ص۲۹۵)
اَلْحَمْدُلِلّٰہ!ماہِ رَبِیْعُ الْآخِر کو حُضور غوثِ پاک رَحْمَۃُ اللّٰہِ عَلَیْہ سے خاص نسبت حاصل ہے۔ یقیناً آپ اللہ کریم کے نیک بندے ، مقبول ترین ولی بلکہ تمام ولیوں کے سردار ہیں۔
حضرت سُفیان بن عُیَیْنَہرَحْمَۃُ اللّٰہِ عَلَیْہفرماتے ہیں : عِنْدَذِکْرِ الصَّالِحِیْنَ تَنْزِلُ الرَّحْمَۃُ یعنی نیک لوگوں کے ذِکْر کے وقْت رَحمت اُترتی ہے۔ (حلیۃ الاولیاء ، ۷ / ۳۳۵ ، رقم : ۱۰۷۵۰)لہٰذا آج ہم بھی ماہِ رَبِیْعُ الْآخِر سے مناسبت رکھنے والے اَعمال اور حُضور غوثِ پاک رَحْمَۃُ اللّٰہِ عَلَیْہ کا ذِکْرِ خیر کر کے اللہ پاک کی رحمتیں لُوٹنے کی سعادت حاصل کرتے ہیں۔ آئیے! پہلے حُضور غوثِ پاک رَحْمَۃُ اللّٰہِ عَلَیْہ کا مختصرتعارف سُنتے ہیں ، چنانچہ
غوثِ پاک رَحْمَۃُ اللّٰہ عَلَیْہ کامختصر تعارف
حضرت شیخ عبدُالْقادِرجِیلانی رَحْمَۃُ اللّٰہِ عَلَیْہ کی ولادت رَمَضانُ المبارَک کی پہلی تاریخ 470 ہجری جمعۃُ المبارک کو جِیلان میں ہوئی۔ آپ کی کُنْیَت ابومحمد جبکہ مُحْیُ الدِّین ، محبوبِ سبحانی ، غوثِ اعظم ، غوثِ ثَقَلَیْن وغیرہ آپ کے القابات ہیں۔ آپ کے والدِ محترم کانام حضرت ابوصالح مُوْسیٰ