اسلامی کے مدنی ماحول سے وابستہ ہوجائیے اِنْ شَآءَاللہ۔ مدنی ماحول کی برکت سے خوفِ خدا نصیب ہوگا ، مدنی ماحول کی برکت سے عشقِ رسول کی دولت نصیب ہوگی ، مدنی ماحول کی برکت سےہماری نسلوں کو بھی عشقِ رسول میں رونا نصیب ہوگا۔

مِری  آنے والی نسلیں تِرے عشق ہی میں مچلیں

انہیں  نیک تُو  بنانا مدنی مدینے والے!

(وسائلِ بخشش ، ص429)

اے عاشقانِ میلاد!اَلْحَمْدُ لِلّٰہ ہم  نے جس آقا و مولا  ، مکی مدنی مصطفیٰ  صَلَّی اللّٰہُ عَلَیْہِ وَاٰلِہٖ وَسَلَّم   کی وِلادت کاجشن ِولادت منا یا ہے ، آج اسی پیارے آقا   صَلَّی اللّٰہُ عَلَیْہِ وَاٰلِہٖ وَسَلَّم کی اپنی  اُمّت سے  محبت کے  متعلق بیان سننے کی سعادت حاصل  کر رہے ہیں :

                             میرے آقا مدینے والے مصطفیٰ  صَلَّی اللّٰہُ عَلَیْہِ وَاٰلِہٖ وَسَلَّم    کی اپنی اُمّت سے بے پنا ہ محبت ، اُمّت کی نجات و مغفرت کی  فکر اور ایک ایک اُمّتی پر  شفقت و رحمت کی کیفیت پر قرآنِ کریم میں اللہ  پاک کا یہ فرمان گواہ ہے ۔ چنانچہ پارہ11 ، سُورۂ توبہ کی آیت نمبر 128 میں  ارشاد ہوتا ہے :

لَقَدْ جَآءَكُمْ رَسُوْلٌ مِّنْ اَنْفُسِكُمْ عَزِیْزٌ عَلَیْهِ مَا عَنِتُّمْ حَرِیْصٌ عَلَیْكُمْ بِالْمُؤْمِنِیْنَ رَءُوْفٌ رَّحِیْمٌ(۱۲۸)

ترجمۂ کنز الایمان : بےشک تمہارے پاس تشریف لائے تم میں سے وہ رسول جن پر تمہارا مَشَقَّت میں پڑنا گِراں ہے تمہاری بھلائی کے نہایت چاہنے والے مسلمانوں پر کمال مہربان مہربان ۔