تاقِیامت’’اُمّتی اُمّتی‘‘فرمائیں گے                                           

                  پیارے اسلامی بھائیو! مدارجُ النبوت  میں ہے : حضرت سَیِّدُنا  قُثَمرَضِیَ اللّٰہُ  عَنْہ  وہ شخص تھے جو  پیار ےآقا ، مدینے والے مصطفی  صَلَّی اللّٰہُ عَلَیْہِ وَاٰلِہٖ وَسَلَّم  کو قبرِانور میں اُتارنے کے بعد سب سے آخر میں  قبرِ انور سے باہر آئے تھے ، ان کا بیان ہے کہ میں ہی آخری شخص ہوں  جس نے  دوجہاں کے سردار ، بی بی آمنہ کےلعل  صَلَّی اللّٰہُ عَلَیْہِ وَاٰلِہٖ وَسَلَّم   کا رُوئے مُنَوَّر قبر اطہر میں دیکھا تھا۔ میں نے دیکھا سلطانِ مدینہ ، راحتِ قلب و سینہ  صَلَّی اللّٰہُ عَلَیْہِ وَاٰلِہٖ وَسَلَّم  کے  مبارک ہونٹ قبر انور میں ہِل رہے تھے ، میں نے اپنے کانوں کو  اللہ کے پیارے حبیب   صَلَّی اللّٰہُ عَلَیْہِ وَاٰلِہٖ وَسَلَّم  کے منہ مبارک کے قریب کیا تومیں نے سُنا  حضور  صَلَّی اللّٰہُ عَلَیْہِ وَاٰلِہٖ وَسَلَّم   فرما رہے؟تھے  رَبِّ اُمّتیْ  رَبِّ اُمّتیْ یا ربّ میری اُمّت ، میری اُمّت۔ ^[1]

                             ایک اورفرمانِ مُصْطَفٰے  صَلَّی اللّٰہُ عَلَیْہِ وَاٰلِہٖ وَسَلَّم  سُنیے : اللہ پاک کے آخری نبی ، مکی مدنی  صَلَّی اللّٰہُ عَلَیْہِ وَاٰلِہٖ وَسَلَّم نے ارشاد فرمایا : جب میری وفات ہوجائے گی تو میں اپنی قبر میں ہمیشہ پکارتا رہوں گا : یَا رَبِّ اُمّتیْ اُمّتیْ یعنی اے میرے  ربّ میری اُمّت ، میری اُمّت۔ یہاں تک کہ دوسرا صُور پُھونکا جائے گا۔ ^[2]

                             میرے آقا اعلیٰ حضرت امام احمد رضا خان رحمۃُ اللہِ عَلَیْہ  بارگاہِ رِسَالَت   صَلَّی اللّٰہُ عَلَیْہِ وَاٰلِہٖ وَسَلَّم میں کیا خوب عَرْض  کرتے ہیں :