Book Name:Aaqa Ki Ummat Se Muhabbat
گیا ، ایک صاحِب دوا(Medicne)لےکرپہنچے اور کہا : حضرت ! دوا حاضِر ہے۔ سردیوں کا زمانہ تھا ، آپ مَوزہ پہنے ہوئے تھے ، آپ نے پہلے بائیں پاؤں کا مَوزہ اُتارا ، وہ صاحِب بول پڑے : حضرت!زَخم تو داہنےپاؤں میں ہے!آپ رَحْمَۃُ اللّٰہ ِ عَلَیْہ نے فرمایا : بائیں پاؤں کاپہلے اُتارنا سنّت ہے۔ [1]
ایک بار حضرت ِسیِّدنا ابو بکر شبلی بغدادی رَحْمَۃُ اللّٰہ ِ عَلَیْہ کو وُضو کے وَقت مِسواک کی ضَرورت ہوئی ، تلاش کی مگر نہ ملی ، لہٰذاایک دِینار(سونے کا سِکّہ)میں مِسواک خرید کر اِسْتِعمال فرمائی۔ بعض لوگوں نے کہا : یہ تو آپ نے بَہُت زیادہ خرچ کر ڈالا! کہیں اتنی مہنگی بھی مِسواک لی جاتی ہے؟فرمایا : بے شک یہ دنیا اور اس کی تمام چیزیں اللہ پاک کے نزدیک مچھّر کے پرکے برابر بھی حیثیَّت نہیں رکھتیں ، اگر بروزِ قِیامت اللہ پاک نے مجھ سے یہ پوچھ لیا کہ تُو نے میرے پیارے حبیب کی سنّت مِسواک کیوں تَرْک کی؟ جو مال و دولت میں نے تجھے دیاتھا ، اُس کی حقیقت تومیرے نزدیک مچھر کے پَر کے برابر بھی نہیں تھی ، تو آخر ایسی حقیر دولت اِس عظیم سنّت مِسواک کو حاصل کرنے پر کیوں خرچ نہیں کی؟تو میں کیا جواب دوں گا ! [2]
پیارے اسلامی بھائیو!دیکھا آپ نے کہ ہمارے اَسلاف سُنتوں سے کِس قَدر پیار کرتے تھے! حضرتِ سَیِّدُنا ابوبکر شبلی رَحْمَۃُ اللّٰہ ِ عَلَیْہ نے ایک دِینار(یعنی سونے کا سِکّہ)