Book Name:Sab Se Barah Kar Sakhi

اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ط  بِسْمِ اللہِ الرَّحْمٰنِ الرَّ حِیْم ط

اَلصَّلٰوۃُ وَ السَّلَامُ عَلَیْكَ یَا رَسُولَ اللہ                                                                    وَعَلٰی اٰلِكَ وَ اَصْحٰبِكَ یَا حَبِیْبَ اللہ

اَلصَّلٰوۃُ وَ السَّلَامُ عَلَیْكَ یَا نَبِیَّ اللہ                                  وَعَلٰی اٰلِكَ وَ اَصْحٰبِكَ یَا نُوْرَ اللہ

نَـوَیْتُ سُنَّتَ الاعْتِکَاف   (ترجَمہ : میں نے سنّتِ اعتکاف کی نیّت کی)

پیارے اسلامی بھائیو!جب بھی مسجد میں حاضری کی سعادت ملے تو اِعْتِکَاف کی نیت کرلیا کریں تاکہ اِعْتِکَاف  کا ثواب بھی ملتا رہے اور  ضرورت پڑنے پر کھانا ، پینا اور سونا وغیرہ بھی جائز ہوجائے۔ مگر یہاں یہ بات بھی ذہن نشیں کرلیجیے کہ اِعْتِکَاف کی نیت کھانے ، پینے یا سونے کے لیے نہ ہو بلکہ اس سے مقصود صرف اللہ کریم کی رِضا ہو۔ “ فتاویٰ شامیمیں ہے : اگرکوئی مسجد میں کھانا ، پینا ، سونا چاہے تو اِعْتِکاف کی نِیَّت کرلے ، کچھ دیر ذِکْرُاللہ کرے ، پھر جو چاہے کرے(یعنی اب چاہے تو کھا  پی یا       سو سکتا ہے)۔ اگر ممکن ہو تو اعتکاف کی نیت کر کے 12مرتبہ دُرُودِ پاک پڑھ لیجئے یا اور کوئی نیک کام کر لیجئے۔ اِنْ شَآءَ اللہ ثواب بڑھ جائے گا اور مسجد میں کھانا ، پینا اور سونا وغیرہ بھی جائز ہو جائے گا۔  

سُوزَنِ گمشُدہ ملتی ہےتَبسُّم سے ترے

                             اُمُّ الْمؤمِنین حضرتِ  عائشہ صدّیقہ رَضِیَ اللّٰہُ عَنْہا  سَحری کےوَقت کچھ سی رہی تھیں کہ اچانک ہاتھ سے سُوئی گِرگئی اور چَراغ(Lamp)بھی بُجھ گیا۔ اتنےمیں  رَحمتِ عالم ، نورِمجسَّم صَلَّی اللّٰہُ عَلَیْہِ واٰلِہٖ وَسَلَّمَ  تشریف لے آئے۔ چہرۂ  اَنور کی روشنی سے سارا گھرروشن