ایک مَرد کی سَرپرستی (نگرانی)میں پچاس (50)عورَتیں ہوں گی۔ ^([1])* مال کی کثرت ہوگی۔ ^([2]) *  دین پر قائم رہنا اِتنا دُشوار ہوگا جیسے مُٹھی میں اَنگارا  لینا۔ ^([3])* وَقْت میں برکت نہ ہوگی ، یہاں تک کہ سال مہینے کی طرح ، مہینا ہفتے کی طرح ، ہفتہ دن کی طرح اور دن ایسا ہوجائے گا جیسے کسی چیز کو آگ لگی اور جلد بھڑک کر ختم ہوگئی۔ ^([4])* زکوٰۃ دینا(لوگوں پر ایسا مشکل ہوگا کہ اُسے)تاوان سمجھیں گے۔ ^([5]) *  عِلْمِ دین پڑھیں گے مگر دین کے لیے نہیں۔ * مَرد اپنی عورت کا فرما نبردار ہوگا۔ * ماں باپ کی نافرمانی کرے گا۔ * اپنے اَحباب(دوستوں) سے میل جول رکھے گا اور باپ سے جدائی۔ * مسجد میں لوگ چِلّائیں گے۔ * گانے باجے کی کثرت ہوگی۔ * اَگلوں(پچھلے وقتوں کے لوگوں) پر لوگ لعنت کریں گے ، اُن کو بُرا کہیں گے۔ ^([6]) * ذَلیل لوگ جن کو تَن کا کپڑا ، پاؤں کی جوتیاں نصیب نہ تھیں ، بڑے بڑے محلّات میں فخر کریں گے۔ ^([7])

صَلُّو ْا عَلَی الْحَبِیْب!                             صَلَّی اللہُ عَلٰی مُحَمَّد

                             پىارے پىارے اسلامى بھائىو!ابھی ہم نے قیامت کی نشانیوں کے بارے میں سُنا ، قیامت کی کچھ نشانیاں ایسی ہیں جو پوری ہوچکی ہیں جبکہ کچھ نشانیاں ایسی بھی ہیں جو پوری ہونا باقی ہیں۔