Qiyamat Ki Alamaat

Al Quran Books Madani Channel

Magazine Courses Media

(ملازمہ / خادمہ) جیسا سُلوک کریں گے ، ماں کو لونڈیوں کی طرح رکھیں گے ، ماں کی نافرمانی و حق تلفی کریں (حق ماریں) گے ، ماں کو تکلیف پہنچائیں گے اور حال یہ ہوجائے گاکہ اولاد اپنی ماں کے ساتھ آقا کی طرح برتاؤ کرے گی۔

(مقالاتِ شارحِ بخاری ، باب اول ۱ / ۱۵۶ملخصاً)

حکیمُ الْاُمّت حضرت مفتی احمد یار خان نعیمی رَحْمَۃُ اللّٰہِ عَلَیْہ اِس فرمانِ عالی کا مطلب بیان کرتے ہوئے فرماتے ہیں : (لونڈی مالک کو پیدا کرے گی)یعنی اولاد نافرمان ہوگی ، بیٹا ماں سے ایسا سلوک کرے گا جیسے کوئی لونڈی سے (سُلوک کرتا ہے)تو (اب مطلب یہی ہوا کہ )گویا ماں اپنے مالک کو جَنے(پیدا کرے) گی۔ ( مرآۃ المناجیح ، ۱ / ۲۶)

معاشرے کی حالتِ زار

پىارے پىارے اسلامى بھائىو!آج اگر ہم اپنے آس پاس نظر دوڑائیں تو یہ حقیقت منہ چڑاتی نظرآئے گی کہ ہمارے معاشرےمیں ایک تعداد ہے جو والِدین بالخصوص ماں کے ساتھ بہت بُرا سلوک کرتی ہے۔ آج ایک تعداد ہے کہ ماں پر شیر کی طرح دھاڑتی نظر آتی ہے۔ ماں کے سامنے زبان درازی کرتی نظر آتی ہے۔ بعض نادان تو مَعَاذَ اللہ ماں کو گالیاں دیتے اور مارتے پیٹتے بھی ہیں ، جیسا کہ آئے روز اخبارات وغیرہ میں خبریں آتی ہیں ، حالانکہ ماں ایک ایسی ہستی ہے جو ہو تو گھر میں بہار آجاتی ہےاور جو نہ ہو تو تمام تر رونقوں کے باوجود گھر ویران لگتا ہے۔ لہٰذا ماں کی خدمت کیجئے! ، ماں کو راضی کیجئے! ، ماں کو کبھی تکلیف مت پہنچائیے! ، ماں کو کبھی دُکھی مَت کیجئے! ، ماں سے کبھی جھگڑا مت کیجئے! ، ماں سے کبھی اُونچی آواز میں بات مت کیجئے! ، ماں کی قدر کیجئے! ، اگر ماں یا باپ یا اُن میں سے ایک بھی ناراض ہوجائےتو فوراً راضی کیجئے!۔ یاد رکھئے! ماں جیسی بھی ہو ، ماں ماں ہوتی ہے۔

Important

Mobile Apps

Contact Us