نیکیوں کا جذبہ پانے ، سنتوں کو اپنانے اور ربِّ کریم کی نافرمانی والے کاموں سےبچنےکےلئے عاشقانِ رسول کی مدنی تحریک دعوتِ اسلامی کےمدنی ماحول سےوابستہ  ہوجائیے۔ اَلْحَمْدُ لِلّٰہ! دعوتِ اسلامی دنیا بھر میں خدمتِ دین کے 108 سے زائدشعبہ جات میں سنتوں کی دُھومیں مچارہی ہے ، جن میں سےایک شعبہ “ مجلس مکتبۃُ المدینہ “ بھی ہے۔ اَلْحَمْدُ لِلّٰہ مکتبۃُ المدینہ سے جہاں سنتوں بھرے بیانات اور میموری کارڈز دنیا  بھر میں پہنچ رہے ہيں ، وہیں سرکارِ اعلیٰ حضرت رَحْمَۃُ اللّٰہِ عَلَیْہ ، اَمیرِاَہلسنت دَامَتْ بَرَکَاتُہُمُ الْعَالِیَہ  اور اَلْمَدِیْنَۃُ الْعِلْمِیَّۃ کی کتابیں بھی لاکھوں کی تعداد میں عوام کے ہاتھوں میں پہنچ رہی  ہیں۔ مکتبۃُ المدینہ کےاب تک کم وبیش45ذیلی شعبہ جات قائم ہو چکے ہیں۔

اَلْحَمْدُ لِلّٰہفیضانِ امیرِاہلسنت کی بَرَکت سے “ مَکتبۃُ الْمَدینہ اَلْعَرَبِیَّہ “ بھی قائم ہو چکا ہے ، جہاں سے بہت ہی مناسب قیمت میں عَرَبی کتابیں حاصِل کی جا سکتی ہیں۔ اللہ کریم مکتبۃ المدینہ کو شاد و آباد رکھے۔

آمِیْن بِجَاہِ النَّبِیِّ الْاَمِیْنْ صَلَّی اللّٰہُ عَلَیْہِ واٰلِہٖ وَسَلَّمَ

صَلُّوْا عَلَی الْحَبیب!                                            صَلَّی اللّٰہُ عَلٰی مُحَمَّد

شکر کے آداب

اے عاشقانِ رسول!آئیے!شُکْر کے بارے میں چندآداب سُننے کی سعادت حاصل کرتے ہیں۔ پہلے2فرامینِ مصطفے ملاحظہ کیجئے : (1)اللہ  پاک کو  یہ بات پسند ہے کہ بندہ ہرنوالے اور ہر گھونٹ پر اللہ کریم کا شُکْر ادا کرے۔ (مسلم ، کتاب الذکروالدعاء…الخ ، باب استحباب حمد اللہ…الخ ، ص ۱۱۲۲ ، حدیث : ۶۹۳۲)(2)تمہیں چاہئے کہ زبانیں ذکر سے اور دل شُکْر سے تَر رکھو۔ (شعب الایمان ، باب فی محبة اللہ ، فصل فی ادامة ذکر اللہ ، ۱ / ۴۱۹ ، حدیث : ۵۹۰ ، ملتقطاً)* شُکْر اعلیٰ درجے کی عبادت ہے۔ (شکر