صَلُّوْا عَلَی الْحَبِیْب!                                           صَلَّی اللّٰہُ عَلٰی مُحَمّد

               اے عاشقانِ صحابہ !بیان  کردہ  روایت کو مدِّ نظر رکھتے ہوئے ہمیں بھی غور کرنا چاہیے کہ کیا ہمیں بھی اچھے طریقے سے وضو کرنا آتا ہے؟اگر نہیں آتا تو ہم سیکھیں ، کیا ہم بھی فرائض  و نوافل کے پابند ہیں؟کیا ہم بھی سُنّتوں پر عمل کرنے کا جذبہ رکھتے ہیں؟اللہ کریم ہمیں  فرائض وواجبات اور سُنن ومستحبات کی بجاآوری کرنے کی توفیق عطا فرمائے۔ آمِیْن بِجَاہِ النَّبِیِّ الْاَمِیْنْ صَلَّی اللّٰہُ عَلَیْہِ واٰلِہٖ وَسَلَّمَ  

صَلُّوْا عَلَی الْحَبِیْب!                                            صَلَّی اللّٰہُ عَلٰی مُحَمَّد

احادیثِ کریمہ اور شانِ عثمانِ غنی

                             اے عاشقانِ صحابہ! امیرالمؤمنین حضرت عثمانِ غنی رَضِیَ اللہُ عَنْہُ کا شمار ان خوش نصیب صحابۂ کرام عَلَیْہِمُ الرِّضْوَان میں ہوتا ہے جن کے حق میں حُضُور انور صَلَّی اللّٰہُ عَلَیْہِ وَاٰلِہٖ وَسَلَّم کے مبارک ہونٹوں نے کئی بار حرکت فرمائی ، کبھی آپ رَضِیَ اللہُ عَنْہُ کو دربارِ رسالت سے  جنت کی خوش خبری عطا ہوئی ، تو کبھی آپ کو پیارے نبی صَلَّی اللّٰہُ عَلَیْہِ وَاٰلِہٖ وَسَلَّم نےاپناجنتی دوست قراردیا ، کبھی آپ کو باحَیا ہونےکی سَنَد عطا فرمائی  تو کبھی آپ کی شفاعت کے ذریعے لوگوں کے جنت پانے کا اعلان فرمایا۔

                             حضور نبیِ کریم صَلَّی اللّٰہُ عَلَیْہِ واٰلِہٖ وَسَلَّمَ   نےآپ کی شان میں جوتعریفی کلمات ارشاد فرمائے۔ آیئے ان میں سے  5 فرامینِ مصطفےٰ صَلَّی اللّٰہُ عَلَیْہِ واٰلِہٖ وَسَلَّمَ   سنتے ہیں :    

1۔   ارشاد فرمایا : “ حضرت عثمان(رَضِیَ اللّٰہُ عَنْہُ)مجھ سے ہیں اور میں حضرت عثمان(رَضِیَ اللّٰہُ عَنْہُ) سے ہوں۔ “

(ابن عساکر ،  عثمانِ بن عفان ،  ۳۹ / ۱۰۲ ، حدیث : ۷۸۷۸)

2۔   ارشاد فرمایا : “ جنت میں ہر نبی کا ایک دوست ہوگا اور میرے دوست حضرت عثمان بن عَفّان