بہتمَحَبَّت فرمانے والے ، اللہپاک اور اس کے رسول صَلَّی اللّٰہُ عَلَیْہِ وَاٰلِہٖ وَسَلَّم کے پیارے ، تیسرے خلیفۂ راشد ، اَمِیْرُالمؤمنین حضرت عثمانِ غنی رَضِیَ اللہُ عَنْہ  کا یومِ شہادت ہے اور عنقریب یہ دن آنے کو ہے ، اسی مناسبت سے آج ہم ان کی سیرت و کردار سے مُتَعلِّق آپ کا تذکرۂ خیرسننے کی سعادت حاصل کریں گے ، سب سے پہلے اَمِیْرُالمؤمنین حضرت عثمانِ غنی رَضِیَ اللہُ عَنْہکے عشقِ رسول پر ایک حکایت سُنیں گے۔ اس کے ساتھ ساتھ اَمِیْرُالمؤمنین حضرت عثمانِ غنی رَضِیَ اللہُ عَنْہ کی دِینی خدمات اور آپ کی فضیلت پر احادیث بھی سنیں گے۔ آپ کے عشقِ رسول سے متعلق ایمان افروزمعلومات بھی حاصل کریں گے۔ اللہ پاک دل جمعی کے ساتھ اوّل تا آخر بیان سننے کی توفیق عطا فرمائے ۔ آمین

صَلُّو ْا عَلَی الْحَبِیْب!                                           صَلَّی اللہُ عَلٰی مُحَمَّد

مہمانی  کا نرالا انداز

                             مکتبۃ المدینہ کی کتاب ’’صحابہ کرام کا عشقِ رسول‘‘ کے صفحہ نمبر 53 پر لکھا ہے : ایک روز امیر المؤمنین حضرت عثمانِ غنی رَضِیَ اللہُ عَنْہُ نےنبیِّ پاک صَلَّی اللّٰہُ عَلَیْہِ واٰلِہٖ وَسَلَّمَ کی بارگاہ میں عرض کی : یَارَسُوْلَ اللہ صَلَّی اللّٰہُ عَلَیْہِ واٰلِہٖ وَسَلَّمَ! اپنےدوستوں سمیت میرے گھر تشریف لائیے اور جو موجود ہو کھالیجئے گا۔ نبیِّ کریم صَلَّی اللّٰہُ عَلَیْہِ واٰلِہٖ وَسَلَّمَنےدعوت قبول فرمالی ، جب آپ صَلَّی اللّٰہُ عَلَیْہِ واٰلِہٖ وَسَلَّمَصحابَۂ کرامعَلَیْہِمُ الرِّضْوَان کےساتھ امیر المؤمنین حضرت عثمانِ غنیرَضِیَ اللہُ عَنْہُکےگھر کی طرف روانہ ہوئے تو امیرالمؤمنین حضرت عثمانِ غنی رَضِیَ اللہُ عَنْہُ نبیِّ اکرم صَلَّی اللّٰہُ عَلَیْہِ واٰلِہٖ وَسَلَّمَ کے پیچھے چلتے ہوئے آپ صَلَّی اللّٰہُ عَلَیْہِ واٰلِہٖ وَسَلَّمَکےقَدَم مبارک شمارکرنےلگے ، سرکارِ مدینہ صَلَّی اللّٰہُ عَلَیْہِ واٰلِہٖ وَ سَلَّمَ نے فرمایا : عثمانِ!میرے قدم کیوں گِن رہےہو؟امیر المؤمنین حضرت عثمانِ غنی رَضِیَ اللہُ عَنْہُ نے عرض کی : یَارَسُوْلَ اللہ صَلَّی اللّٰہُ عَلَیْہِ واٰلِہٖ وَسَلَّمَ