و احترام کو اپنے اوپر لازم رکھا۔

       آئیے پیرو مرشدکے ادب و احترام کاایک   انوکھا  واقعہ سنتے ہیں ، چنانچہ

مُرشدِ کامل کے مزار  کا بھی ادب

       ایک مرتبہ حضرت خواجہ غریب نوازرَحْمَۃُ اللہِ عَلَیْہاپنے مُریدین کی تربیت فرمارہے تھے۔ دورانِ بیان جب جب آپ کی نظر دائیں طرف پڑتی توبا ا َدَب کھڑے ہوجاتے۔ تمام مُریدین یہ دیکھ کر حیران تھے کہ پیرو مُرشِد باربار کیوں کھڑے ہورہے ہیں ، مگر کسی کو پوچھنے کی جُرأت نہ ہوسکی ، الغرض جب سب لوگ وہاں سے چلے گئے ،  تو ایک منظورِنظر مُریدعرض گزارہوا : حضور!ہماری تربیت کے دوران آپ نے بارہا قیام فرمایا اس میں کیا حکمت تھی؟تو خواجہ غریب نواز رَحْمَۃُ اللہِ عَلَیْہ نے فرمایا : اس طرف میرے پیرو مرشِد شَیخ عثمان ہاروَنی رَحْمَۃُ اللہِ عَلَیْہ کا مزار مبارَک ہے ، جب بھی اس جانب رُخ ہوتا  تو میں تعظیم کے لئے اُٹھ جاتا ، پس میں اپنے پیر و مُرشِد کے روضہ ٔمبارَک کی تعظیم                                                                                                                                                                                                                                                                                                                                                                                                                                                                                                                                                        میں  قیام کرتا تھا۔                 (آدابِ مُرشدِ کامل ،  ص ۱۱۴بتغیر)

صَلُّوْا عَلَی الْحَبِیْب!                                           صَلَّی اللّٰہُ  عَلٰی مُحَمَّد

پىارے اسلامى بھائىو!آپ نے سُنا کہ ہمارے خواجہ غریب ِ نواز رَحْمَۃُ اللہِ عَلَیْہ اپنے پیرو مرشد کا کیسا ادب اور کیسی خدمت کیا کرتے تھے ۔ یقیناً اپنے پیرو مرشد کی خدمت باعثِ سعادت  ہے ، آئیے پیرو مرشد کی خدمت کے چند فوائد سنتے ہیں :

خدمتِ مرشد کے فوائد

      ٭ پیرو مرشد کی خدمت انسان کو اللہ  پاک   کے قریب کر دیتی ہے ٭ پیرو مرشد کی خدمت گناہوں سے بچاتی ہے۔ ٭ پیرو مرشد کی خدمت نیکیوں پر استقامت کا سبب ہے ۔ ٭ پیرو مرشد کی خدمت ایمان پر خاتمے  کی قوی اُمید دلاتی ہے ۔ ٭ پیرو مرشد کی خدمت گمراہی سے بچاتی ہے ۔ ٭ پیرو مرشد کی خدمت باطن سنوار دیتی ہے ۔ ٭ پیرو مرشد کی خدمت عاجزی و انکسار ی  جیسی صفات  پیدا کرتی ہے  ۔ ٭ پیرو مرشد کی خدمت مالِ دنیا کی محبت دل سے نکال دیتی ہے ۔ ٭ پیرو مرشد کی خدمت فکر ِ آخرت پیدا کرتی ہے ۔ ٭ پیرو مرشد کی خدمت دل کا میل دھو دیتی ہے ۔ ٭ پیرو مرشد کی خدمت اللہ والوں سے محبت کا درس دیتی ہے  ٭ پیرو مرشد کی خدمت دُنیا وآخرت میں سلامتیاورنجات کا سبب ہے۔ ٭ پیرو مرشد کی خدمت اللہ والوں سے محبت کا درس دیتی ہے  ۔ ٭ پیرو مرشد کی خدمت دنیا و آخرت دونوں  سنوار دیتی ہے ۔ ٭ پیرو مرشد کی خدمت بندے کو نبی کریمصَلَّی اللّٰہُ عَلَیْہِ واٰلِہٖ  وَسَلَّمَ  کا سچا عاشق بناتی ہے ، ۔ ٭ پیرو مرشد کی خدمت پُل صراط پرگزرنے میں مددگار ثابت ہو گی۔ ٭ پیرو مرشد کی خدمت دین کا در دپیدا کرتی ہے۔

      اے عاشقانِ خواجہ غریب نواز! ہم نے مرشِد کی خدمت کے فوائد تو سُن لئے ، آئیے! اب مرشد کی خدمت کے تعلق سے ہم اپنے بزرگان ِدِین کا انداز سنتے ہیں کہ کس نے کس طرح اپنے پیرو مرشد کی خدمت کی۔

قُطبُ الدّین بختیارکاکی اورپیر کی خدمت