کو اپنا اِمام بنالیناچاہئے ، شَرِیْعَت میں  تَقْلِید کرکے اور طَریقت میں بَیْعَت کرکے ، تاکہ حَشْر اَچھوں  کے ساتھ ہو۔ مزیدفرماتے ہیں   : اس آیتِ کریمہ میں  تَقْلِید ، بَیْعَت اور مُریدی سب کا ثُبوت ہے ۔     (تفسیر نور العرفان ، پ۱۵ ، بنی اسرائیل ، تحت الآیۃ : ۷۱ ، ص ۴۶۱)

      پیارے اسلامی بھائیو!آپ  نے سنا  کہ پیر و مرشد کا ہونا کتنا ضروری ہے ، یاد رہے! کہ کسی پیرِکامل کے ہاتھ پر بیعت ہو جانا یہ کوئی نیا طریقہ نہیں ہے بلکہ صدیوں سے چلاآ رہا ہے ، تمام صحابۂ کرام عَلَیْہِمُ الرِّضْوان نبیِ کریمصَلَّی اللّٰہُ عَلَیْہِ واٰلِہٖ  وَسَلَّمَ کے مرید تھے  اور ان کے بعد آنے والے اولیائےکرام بھی کسی نہ کسی پیرکامل کے مرید تھے ، چنانچہ

کون کس کا مرید ؟؟؟

      آئیے!اُن چندعظیم ہستیوں کاذِکرِ خیر سُنتے ہیں ، جو خودبہت بڑی ہستی ہونے کے باوجودکسی نہ کسی پیرِ کامل کے  مُرید تھے۔ ٭ سیدی اعلی حضرت رَحْمَۃُ اللّٰہ ِعَلَیْہ ، سیدشاہ آلِ رسول مارَہْری رَحْمَۃُ اللّٰہ ِعَلَیْہ کے مُریدتھے٭ صدرالشریعہ  مفتی امجد علی اعظمی رَحْمَۃُ اللّٰہ ِعَلَیْہ ، اعلیٰ حضرت رَحْمَۃُ اللّٰہ ِعَلَیْہ کے مُریدتھے ٭ حبىب عجمى رَحْمَۃُ اللہِ عَلَیْہ ، امام حسن بصری رَحْمَۃُ اللّٰہ ِعَلَیْہ کے مُریدتھے ٭فضیل بن عیاض رَحْمَۃُ اللّٰہ ِعَلَیْہ ، خواجہ  عبدالواحد بن زید رَحْمَۃُ اللّٰہ ِعَلَیْہ کے مُریدتھے ٭نظام الدین اولیا محبوب الٰہی رَحْمَۃُ اللّٰہ ِعَلَیْہ ، بابا فریدُ الدین گنج شکررَحْمَۃُ اللّٰہ ِعَلَیْہ کے مُریدتھے٭ بابا فرید الدین گنج شکر رَحْمَۃُ اللّٰہ ِعَلَیْہ ، قطبُ الدین بختیار کاکی رَحْمَۃُ اللّٰہ ِعَلَیْہ کے مُریدتھے٭بہاءُالدّین زکریا ملتانی رَحْمَۃُ اللّٰہ ِعَلَیْہ ، شہاب الدین عمر سہروردیرَحْمَۃُ اللہِ عَلَیْہ کے مُریدتھے٭داتا گنج بخش علی ہجویر ی رَحْمَۃُ اللہِ عَلَیْہ ، خواجہ محمد بن حسن جنیدیرَحْمَۃُ اللہِ عَلَیْہکے مُریدتھے ٭ابوبکر شبلى رَحْمَۃُ اللّٰہ ِعَلَیْہ ، حضرت جنىد بغدادى رَحْمَۃُ اللّٰہ ِعَلَیْہ کے مُریدتھے ٭جنىد بغدادى رَحْمَۃُ اللّٰہ ِعَلَیْہ ، حضرت سَرِى سَقَطى رَحْمَۃُ اللّٰہ ِعَلَیْہکے مُریدتھے ٭حضرت سَرِى سَقَطى رَحْمَۃُ اللّٰہ ِعَلَیْہ ، حضرت معروف کَرْخی رَحْمَۃُ اللّٰہ ِعَلَیْہ کے مُریدتھے ٭حضرت داؤد طائی ، حبىب عجمى رَحْمَۃُ اللّٰہ ِعَلَیْہکے مُریدتھے ٭  حضرت  مجدّدِاَلف ثانی رَحْمَۃُ اللّٰہ ِعَلَیْہ ، حضرت خواجہ محمد باقی باللّٰہ نقشبندی رَحْمَۃُ اللّٰہ ِعَلَیْہ کے مُریدتھے ٭محدثِ اعظم پاکستان محمد سرداراحمد قادِری رَحْمَۃُ اللّٰہ ِعَلَیْہ ، حضرت خواجہ شاہ سراج الحق چشتی رَحْمَۃُ اللّٰہ ِعَلَیْہ  کے مُریدتھے٭حضرت بابا بُلّھے شاہ رَحْمَۃُ اللہ عَلَیْہ ، حضرت علامہ عنایت قادری  شَطّاری رَحْمَۃُ اللّٰہ ِعَلَیْہ کے مُریدتھے ٭امام فخر الدین رازی رَحْمَۃُ اللّٰہ ِعَلَیْہ ، حضرت نجم الدین کبریٰ رَحْمَۃُ اللّٰہ ِعَلَیْہ کے مُریدتھے ٭علامہ عبدالحکیم شرف قادری صاحب رَحْمَۃُ اللّٰہ ِعَلَیْہ ، ابُو البرکات سید احمد صاحب قادری رَحْمَۃُ اللّٰہ ِعَلَیْہ کے مُریدتھے٭لعل شہباز قلندر رَحْمَۃُ اللہِ عَلَیْہ ، شىخ ابواسحاق سید  ابراہىم قادری رَحْمَۃُ اللہِ عَلَیْہِکے مُریدتھے۔

            پیارےپیارے اسلامی بھائیو!آپ نے سُنا کہ پیری مُریدی کا یہ مقدّس سلسلہ شروع سے چلتا آرہا ہے اب کا نہیں  ہے اور یاد رہے کہ  کسی کو پیر اس لئے بنایا جاتا ہے تاکہ اُمورِ آخِرت میں  بہتری آئے۔ اُس کی رہنمائی اور باطنی توجُّہ کی بَرَکت سے مُریدین اللّٰہ کریم اور اس کے رسول صَلَّی اللّٰہُ عَلَیْہِ وَاٰلِہٖ وَسَلَّم کی ناراضی والے کاموں  سے بچتے ہوئے نیک کاموں میں اپنے شب و روزگُزار سکیں ۔ لیکن اَفسوس! موجودہ زمانے میں  بعض لوگوں  نے پیری مُریدی جیسے اَہم مَنْصَب کو حُصُولِ دُنیا کا