لوگ تجارت کے شعبے سے وابستہ ہونے کے باوجود لالچ و حِرْص جیسی خراب عادت کو اپنے قریب بھی آنے  نہیں دیتے تھے۔اللہ کریم ہمیں بھی ان جیسی مَدَنی سوچ نصیب فرمائے،ان جیسا خوفِ خدا نصیب فرمائے،ان جیسی احتیاط نصیب فرمائے،ان جیسا تقویٰ نصیب فرمائے،ان جیسی قناعت نصیب فرمائے۔ آمِیْن بِجَاہِ النَّبِیِّ الْاَمِیْنْ صَلَّی اللّٰہُ عَلَیْہِ واٰلِہٖ وَسَلَّمَ

صَلُّوْا عَلَی الْحَبِیْب!                            صَلَّی اللّٰہُ عَلٰی مُحَمّد

سُرمہ لگانے   کی سُنّتیں اور آداب

آئیے!امیرِ اَہلسُنّت دَامَتْ بَـرَکاتُہُمُ الْعَالِیَہ  کے رسالے”101 مَدَنی پھول“ سے سُرمہ لگانے کی سُنّتیں اور آداب سنتے ہیں:فرمانِ مُصْطَفٰے صَلَّی اللّٰہُ عَلَیْہِ واٰلِہٖ وَسَلَّمَ ہے:تمام سُرموں میں بہتر سرمہ”اِثمد“ (اِث۔مِد) ہے کہ یہ نگاہ کو روشن کرتا اور پلکیں اُگاتا ہے۔(ابن ماجہ،کتاب التحفہ،باب الکحل بالاثمد،۴/ ۱۱۵،حدیث: ۳۴۹۷ )٭پتّھر کا سُرمہ استعمال کرنے میں حرج نہیں اور سیاہ سُرمہ یا کاجل بَقَصدِ زِینت(یعنی زینت کی نیّت سے)مرد کو لگانا مکروہ ہے اور زینت مقصود نہ ہو تو کراہت(مکروہ)نہیں۔(فتاویٰ ہندیہ،۵/۳۵۹) ٭سُرمہ سوتےوَقْت استِعمال کرنا سُنّت ہے۔(مرآۃالمناجیح ،۶/۱۸۰)

﴿ اعلان :﴾

سُرمہ لگانےکی بقیہ سُنّتیں اور آداب تربیتی حلقوں میں بیان کی جائیں گی لہٰذا انہیں سننے کیلئے تربیتی حلقوں میں ضرور  شرکت  کیجئے ۔

صَلُّوْا عَلَی الْحَبِیْب!                                            صَلَّی اللّٰہُ عَلٰی مُحَمَّد

دعوتِ اسلامی کے ہفتہ وار سُنَّتوں بھرےاِجْتِماع میں  پڑھےجانے والے6 دُرودِ پاک اور 2دعائیں