اکبر ہیں۔ *ہر مشکل اور مصیبت میں آقا کریم   عَلَیْہِ السَّلَام  کا ساتھ دینےو الے حضرتِ صدّیقِ اکبر ہیں۔ *سفر ہو حضر(گھر)  ہو ، غار ہو یا مزار ہو ہر ایک مقام پر آقا کریم   عَلَیْہِ السَّلَام  کے ساتھ رہنے والے حضرتِ صدّیقِ اکبر ہیں۔  *جن کی خدمات اور احسانات کا تذکرہ خود آقا کریم   عَلَیْہِ السَّلَام  نےفرمایا ہے وہ حضرتِ صدّیقِ اکبر ہیں۔ *آقا کریم   عَلَیْہِ السَّلَام  کی زندگی میں جنہوں نے کئی بار امامت کا شرف حاصل کیا ہے وہ حضرتِ صدّیقِ اکبر ہیں۔ *منکرینِ زکوۃ کا خاتمہ فرمانے والے حضرتِ صدّیقِ اکبر ہیں۔ *قرآنِ پاک کو ایک جگہ جمع کرنے کا حکم دینےو الے حضرتِ صدّیقِ اکبر ہیں۔   *جنت کے آٹھ دروازے ہیں اور جنہیں ہر ایک دروازے سے بلایا جائے گا وہ حضرتِ صدّیقِ اکبر ہیں۔

امیر اہلسنت دَامَتْ بَرَکَاتُہُمُ الْعَالِیَہ  “ وسائلِ بخشش “ میں کتنے عشق بھرے اندازمیں شانِ صدیقی بیان کررہے ہیں :

یقیناً منبعِ خوفِ خدا صدّیقِ اکبر ہیں                       حقیقی عاشقِ خیرُالورٰی صدیقِ اکبر ہیں

بلاشک پیکرِ صبر و رضا صدیقِ اکبر ہیں                یقیناً مخزنِ صدق و وفا صدیقِ اکبر ہیں

جو یارِ غارِ محبوبِ خدا صدیقِ اکبر ہیں           وہی یارِ مزارِ مصطفےٰ صدیقِ اکبر ہیں

عمر سے بھی وہ افضل ہیں وہ عثماں سے بھی ہیں اعلیٰ            یقیناً پیشوائے مرتضیٰ صدیقِ اکبر ہیں

نہ ڈر عطار آفت سے خدا کی خاص رحمت سے         نبی والے ترے مشکلکشا صدیقِ اکبر ہیں

(وسائل بخشش مرمم ، ص۵۶۵-۵۶۷)

 صَلُّوْا عَلَی الْحَبِیْب!                                          صَلَّی اللّٰہُ  عَلٰی مُحَمَّد