پىارے پىارے اسلامى بھائىو! صَفَرُالْمُظَفَّر کا مُبَارَک مہینا اپنے اِخْتِتَام کی جانب رَواں دَواں ہے۔پھر اِنْ شَآءَ اللہ رَبِیْعُ الْاَوَّل کا نُور بارمہینااپنی آب و تاب کے ساتھ جَلْوَہ گَرہوگا۔

اَمیرِاَہْلسُنَّت،بانیِ دعوتِ اسلامی حضرت علامہ مولانا ابُو بلال محمدالیاس عطّارقادِرِی رَضَوِی ضِیائی دَامَتْ بَرَکَاتُہُمُ الْعَالِیَہنے جَشنِ مِیْلَادمَنانے والے عاشقانِ مِیلادکواپنے مکتوب(Letter) میں کچھ اَہَمّ  مَدَنی پُھول عطا فرمائے ہیں۔آئیے!ہم بھی وہ” مکتوبِ عطّار“تَوَجُّہ کے ساتھ سُنّنے کی سَعادت حاصل کرتے ہیں:

مکتوبِ عطّار:

بِسْم اللّٰہِ الرَّحْمٰنِِ الرَّحِیم طسگِ مدینہ محمدالیاس عطّارقادِرِی رَضَوِی عُفِیَ عَنْہُ کی جانِب سے تمام عاشِقانِ رسول اسلامی بھائیوں/اسلامی بہنوں کی خِدمتوں میں جَشنِ وِلادَت کی خُوشی میں لہراتے ہوئے مدنی پرچموں ،جگمگاتے بلبوں اورنَنّھے نَنّھے قُمقُموں کوچُومتاہواجُھومتاہواشہد سے بھی میٹھا مکّی مَدَنی سلام

اَلسَّلامُ عَلَیْکُمْ وَرَحْمَۃُ اﷲِ وَبَرَکاتُہ                                                                                                                            اَلْحَمْدُ لِلّٰہِ رَبِّ الْعٰلَمِیْنَ عَلٰی کُلِ حَال۔

تُم بھی  کرکے  اُن کا  چرچا  اپنے  دِل  چمکاؤ                   اُونچے میں اُونچا نبی کا جھنڈا گھر گھر میں لہراؤ

            چاند رات کو اِن اَلفاظ میں تین(3)بار مَساجِد میں اِعْلان کروائیے:تمام عاشقانِ رسول کو مُبارَک ہو کہ رَبِیْعُ الاوّل شریف کا چاند نظر آگیا ہے۔

رَبِیْعُ الاوّل اُمّیدوں کی دُنْیا ساتھ لے آیا                  دُعاؤں کی قَبولیَّت کو ہاتھوں ہاتھ لے آیا

            مَرد کا داڑھی مُنڈوانا یا ایک مُٹّھی سے گھٹانا دونوں حرام ہے۔اسلامی بہن کا بے پردَگی کرنا حرام ہے۔ براہِ کرم!رَبِیْعُ الاوّل کی بَرَکت سے اسلامی بھائی ہمیشہ کیلئے ایک مُٹّھی داڑھی اور اسلامی بہنیں مُستَقِل شَرعی پَردہ اور زَہے قسمت! شرعی پردہ کرنے کی نِیَّت کریں۔

جُھک گیا کعبہ سَبھی بُت مُنہ کے بَل اَوندھے گِرے                دَبدبہ    آمد    کا   تھا ،   اَھْلاً   وَّ   سَھْلاً     مرحبا