Book Name:Bachon Par Shafqat-e-Mustafa
نواسوں یعنی حسنینِ کریمین رَضِیَ اللہُ عَنْہُمَا کے لئے سواری بنے۔
آپ صَلَّی اللّٰہُ عَلَیْہِ واٰلِہٖ وَسَلَّمَ کی بچوں سے شفقت کا عالم یہ تھا کہ دورانِ نماز سجدے کی حالت میں پُشتِ اطہر پر بچوں کی موجودگی محسوس فرما کر سجدہ طویل فرما دیتے۔(مسنداحمد، ۵/ ۴۲۶، حدیث:۱۶۰۳۳ ملخصاًو مفہوماً)
بعض دفعہ دورانِ نماز بچے کے رونے کی آواز آتی تو آپ عَلَیْہِ الصَّلٰوۃُ وَالسَّلَام نماز میں تخفیف فرما دیتے۔ (بخاری، کتاب الاذان، باب من اخف الصلاۃ ، ۱/ ۲۵۳، حدیث:۷۰۷ مفہوماً)
بچوں سے شفقت و مہربانی کا ایسا برتاؤ دیکھ کر حضرت انس رَضِیَ اللہُ عَنْہ کہتے ہیں:نبیِ پاک عَلَیْہِ الصَّلٰوۃُ وَالسَّلَام لوگوں میں سب سے زیادہ بچوں پر شفقت فرمانے والے تھے۔ (مسند ابو یعلٰی، ۳/ ۴۲۵، حدیث:۴۱۸۱)
صَلُّو ْا عَلَی الْحَبِیْب! صَلَّی اللہُ عَلٰی مُحَمَّد
پىارے پىارے اسلامى بھائىو!بچوں اور بچیوں کی مدنی تربیت کے لیے دعوتِ اسلامی کے ادارے مدرسۃ المدینہ للبنین،للبنات، مدرسۃ المدینہ جزوقتی، دارالمدینہ،جامعۃ المدینہ للبنین، للبنات اور مدنی چینل وغیرہ سے خوب فائدہ اٹھائیے۔ اِنْ شَآءَ اللہعنقریب بچوں کا مدنی چینل بھی آن ایئر ہونے کو ہے۔ دعوتِ اسلامی کے یہ تمام شعبہ جات بچوں کی مدنی تربیت کرنے میں بڑے معاون ہیں۔ لہٰذا آپ خود بھی اور اپنے بچوں کو بھی مدنی ماحول سے وابستہ کریں۔اَلْحَمْدُ لِلّٰہ عاشقانِ رسول کی مَدَنی تحریک دعوتِ اسلامی اس نازک دور میں مَحَبَّتِ الٰہی کے جام پلانے اور عشقِ رسول سے دِلوں کو معمور کرنے کے ساتھ ساتھ خدمتِ دین کے کم و بیش 107شعبہ جات میں سُنّتوں کی دُھومیں مچارہی ہے،انہی میں سےایک شعبہ”مجلس مدرسۃ المدینہ“ بھی ہے، اس مجلس کےتحت ملک و بیرونِ ملک مَدَنی مُنّوں کی تعلیم و تربیت کیلئے مدرسۃ ُالمدینہ (للبنین)اور مَدَنی مُنّیوں